Gimnastika (yakkakurash, koordinatsion va siklik sport turlari)

Namunaviy mashqlar. Turgan holda qo‘llar yonda, arqon ikkiga taxlangan, o£ng qo‘lda, 180° ga o‘ngga burilib, o‘ng qo‘l bilan gorizontal siltash qilinadi va arqon bo‘ksa atrofiga o'raladi. 180° ga chapga burilishda arqon yoziladi, yuqorida gorizontal aylana hosil qilinadi, oyoq uchida turiladi, qo‘llar yonda. Turgan holda qo‘llar yonda, arqon ikki qo‘lda, oldi tomonda oyoqlarni prujinasimon harakatlantirib, arqon bilan orqaga-o‘ngga siltash bajariladi. O'ng yelka oldi bilan o‘raladi, xuddi shunday prujinasimon harakatlar bilan arqon yoziladi. Bosh uzra chap qo‘l bilan siltalanadi, oyoq uchiga turiladi, arqon orqada.
Uslubiy tavsiyalar: arqonni tanaga о‘rash uning chizig‘ini buzadigan keskin harakatlar bilan amalga oshirilmasligi kerak. Bunda tempga, ritmga, musiqa jo‘rligiga ahamiyat berish kerak.
Arqonni uzatish turli yo‘nalishda va tekisliklarda, siltash va aylanish vaqtida bajariladi. Arqon bilan mashqlar bir qo‘ldan boshqa qo‘lga o‘tkazish orqali yoki biror tana a’zosi oldida baja­ riladi.