Gimnastika (yakkakurash, koordinatsion va siklik sport turlari)

Namunaviy mashqlar: turgan holda, qo‘llar yonda, tasma o‘ng qo‘lda, qo‘1 oldinga cho‘zilib, gorizontal siltash bajariladi, yengil egilib, orqaga yugurish kerak va o‘ng qo‘l bilan vertikal spiral bajariladi (247-rasm). Turgan holda o‘ng qo‘l oldinda, tasma bilan oyoq uchiga ko‘tarilib, gorizontal spiral hosil qilinadi. Turgan holda, qo‘llar yonda, tasma chap qo‘lda, o‘ng oyoq bilan oldinga-

o‘ngga qadam tashlab, o‘ng tomonga tasma bilan gorizontal siltash bajariladi. Gavda oldida tasma bilan spiral bajariladi va chap tomonga qadam tashlanadi.

Tasmani uzatish elementlarni bog‘lash va qo‘l harakatiga o‘zgartirish kiritish uchun ishlatiladi. Tasmadan to‘g‘ri foydalanish texnikasi panja harakatiga minimal kuch berib, buyumlarni harakatlantirishdan iborat. Buni dastlabki mashg‘ulotlardan egallab olish zarur. Tasma bilan mashqlami bir tekis, keng quchoq bilan bajarish kerak. Hech qanday qo‘shimcha harakatlar bo‘lmasligi zarur. Chunki harakatlar tufayli tasma shalpayib qoladi. Tasma uchi tanaga yoki polga tegmasligi, osilmasligi kerak. Yog‘och doim faol bo‘lib, tasma harakatlari bilan rasm shakllantirishi kerak. Tasma bilan bajariladigan mashqlar murabbiyning ixtiyori bilan o‘quv dasturiga kiritiladi.