Germaniya ukrainalik qochoqlarni mamlakatga joylashtirish uchun 2 mlrd yevro ajratadi

O‘zbekiston sanksiyalar tufayli Rossiyaga avtomobillarni sotishni to‘xtatdi

O‘zbekiston Rossiyaga avtomobil eksportini to‘xtatdi. Bu haqda EurasiaNet xabar berdi. UzAuto Motors avtomobillarda Janubiy Koreyada ishlab chiqarilgan yarimo‘tkazgichlar va mikrochiplardan foydalaniladi. Janubiy Koreya esa Rossiyaga qarshi sanksiyalarga qo‘shilgan.

Foto: UzAuto Motors

Agar UzAuto Motors Rossiyaga avtomobil eksport qilishni davom etganda, Janubiy Koreya O‘zbekistonga mikrochiplar va boshqa muhim butlovchi qismlar yetkazib berishni to‘xtatardi. Bu esa O‘zbekistonda avtomobillar ishlab chiqarishni to‘liq to‘xtatib qo‘yishi mumkin.
GM’ning Detroytdagi vakili UzAuto Motors Rossiyaga Chevrolet avtomobillarini eksport qilishni 9-mart kuniyoq to‘xtatganini aytdi.
Kompaniya vakili eksport to‘xtatilganini na tasdiqladi, na inkor etdi. “Daryo”ning ma’lumotiga ko‘ra, kompaniya rossiyalik hamkorlar oldidagi shartnoma majburiyatlarini sanksiyalar joriy etilishidan avval bajarib bo‘lgan.

Janubiy Koreya mikrochiplari UzAuto Motors uchun qanchalik muhim?

UzAuto Motors 2021-yilda ishlab chiqarish hajmini qisqartirdi. Asosiy sabab qilib butun jahonda bir necha yillardan buyon davom etib kelayotgan mikrosxemalar yetishmovchiligini ko‘rsatgan.
Chiplar ta’minotidagi uzilishlar sabab bir qator avtokorxonalar faoliyati to‘xtatilib, natijada mikroprotsessorlar xaridi 2020-yilning boshidayoq maksimal darajada qisqargan edi.
Dunyoda jami oltita chip ishlab chiqaruvchi korxona mavjud bo‘lib, ularning eng yirigi TSMS va UMC Tayvanda joylashgan. Ushbu chiplardan boshqa kompaniyalar esa mikrokontrollerlarni (MCU) ishlab chiqaradi.
UzAuto Motors har bir avtomobilda yarimo‘tkazgichlarni qo‘llovchi 100—300 butlovchi qismlarni hisobga oladi. Yarimo‘tkazgichlar spidometrlarda, magnitolalarda, shuningdek, navigatsiya tizimlari va boshqalarda foydalaniladi.
Boshqa ishlab chiqaruvchilar kabi UzAuto Motors ham avtomobillarni qisqartirilgan butlovchi qismlar bilan ishlab chiqarishni taklif qilgan holda og‘ir vaziyatdan chiqish yo‘lini izlamoqda.