Furqat indd

Yusupov FURQAT
“turon”chilarning bu qahramonliklarini tan olishsa-da, to‘pni ularga 
qaytarib berishni xohlashmadi va yana yangi hujumni boshlashdi. 
Shunday bo‘lsa ham, mezbonlar ustunlikni o‘z tomonlariga og‘di-
rib olishdi va mehmonlarni jarima maydoni ichiga qamab qo‘yishdi. 
Shunday hujumlarning birida “Tumor” himoyachisi Islomni chalib 
yiqitdi. Uning og‘riqqa chidolmay baqirgan ovozi narigi qishloqqa 
ham eshitilgan bo‘lsa kerak. Hakam esa pinagini ham buzmay ayb-
dor futbolchini jazolamadi. Bu stadionga kelgan muxlislarni jun-
bushga keltirdi. Ularning e’tirozlariga hakam parvo ham qilmadi. 
Fozilning jahli burnining uchiga chiqdi. Islom qattiq jarohat oldi va 
o‘yinni davom ettirolmasligi ayon bo‘ldi. 
– Azamat, maydonga, – Fozil jamoadagi eng yoshi kichik futbol-
chiga murojaat qildi. Uchrashuv tugashiga atigi 5 daqiqa vaqt qoldi. 
Jarima to‘pining oldiga “bo‘g‘irsoq” laqabli Shukrullo keldi. 
– Bu bo‘g‘irsoq ovqat yeyishdan boshqasini ham bilarmikan o‘zi, 
– qaysidir muxlisning bu gapidan keyin hamma miriqib kulib oldi. 
Shukrulloning yo‘llagan kuchli zarbasidan so‘ng to‘p darvozaning 
ustuni va to‘sini kesishgan joyga tegib darvoza to‘ridan joy oldi. 
Ushbu gol muxlislarni hayrat ko‘chasi sari yetaklagan bo‘lsa, “Tu-
mor” murabbiyi shunchaki yoqa ushladi. Hisob 2:2.
Goldan yanada ruhlangan mezbonlar hujum ketidan hujum 
uyush tirishayotgandi. Lekin bari besamar. Mehmonlar esa “shok” 
holatida edilar. Ko‘pchilik uchrashuvning durrang natija bilan 
yakunlanishi kutayotgan bir pallada, katta sahnaga zaxiradan may
-
donga qo‘shilgan nimjongina Azamat chiqdi. Rahmatullo bilan 
ajoyib kombinatsiya uyushtirgan Azamatning zarbasidan so‘ng 
to‘p darvoza to‘ridan joy oldi. Hisob 3:2. Stadionga kelgan minglab 
ishqibozlar g‘alabani nishonlay boshlashdi. Goldan keyin futbolchi 
bolakaylar o‘ylangan rejani amalga oshirish uchun birgalikda mux-
lislar tomon oshiqishdi. Ular Samandar akaning oldiga borib, fut-

---

59
FUTBOL FALSAFASI
bolkalarini ko‘targancha maykalaridagi yozuvlarni hammaga ko‘z-
ko‘z qi lishdi. Maykalarda esa “Qizingizni qo‘lini so‘rayman. Fozil!” 
degan yozuvlar bor edi. Fozil shogirdlarining bu qilmishlaridan esa 
ham hayron, ham baxtiyor edi. Samandar aka ham bolalarning bu 
jaso ratlariga qoyil qolib, to‘yga rozilik berdi. Ana endi qo‘shaloq 
bayramni nishonlasa ham bo‘laveradi. Bolakaylar shuningdek, 
qo‘lga kiritilgan 5 millionlik chekni ham murabbiylariga tuhfa qi-
lishdi.
2012