Furqat indd

Yusupov FURQAT
ko‘rgan bolalar biror reja o‘ylash haqida bosh qotirdilar. Nihoyat,
topdilar ham... Final uchrashuvi bo‘ladigan yakshanba kuni ham 
yetib keldi. O‘yin soat 11:00 ga belgilangandi. Qishloqdagi yosh-u 
qari stadionga oshiqardi. Ular safida Faridaning otasi Samandar 
aka ham bor edi. U futbol desa o‘zini tomdan tashlamasligi mum-
kin, lekin o‘yinni xotinidan ham yaxshi ko‘rishi qishloqdagilarga 
sir emasdi. Farida ham dugonalari bilan stadionga kelgandi. Final 
uchrashuvi boshlanishidan oldin viloyat hokimi so‘zga chiqib, ik-
kala jamoaga ham zafar tiladi. Shuningdek, turnir g‘olibi bo‘lgan 
jamoaga kubok va diplomdan tashqari, 5 million so‘m va’da qildi. 
Barcha tomoshabinlar qarsak chalishdi. Uchrashuvning shiddatli 
kechishiga hech kim shubha qilmasdi. Fozil shogirdlariga so‘nggi 
ko‘rsatmalarni berdi. Maydonda “Turon” va “Tumor” jamoalari saf 
tortishdi.
– Bugun “Tumor” baribir yutsa kerak, – dedi muxlislardan biri.
– Men “Turon”ga 50 ming tikaman.
– Hm, unda pulingni tayyorlayver, men “Tumor”ga 200 dollar 
qo‘yaman...
Muxlislar o‘rtasida garov o‘ynovchilar ko‘payib ketgandi. 
“Turon” jamoasi sardori Rahmatullo jamoasini birdamlikka chaqir-
di. O‘yin boshlandi. Garchand “Tumor” jamoasi mehmon bo‘lsa 
ham, favorit hisoblanayotgandi. Sababi esa, ushbu jamoa 3 yildan 
buyon viloyat chempionligini begona qilmay kelayotgandi. Kutilga-
nidek ustunlik mehmonlar tarafida edi. Hujumlarning birida “Tu
-
mor” hujumchisi Berdiqul sherigi Akbar bilan ajoyib kombinatsiya 
uyushtirdi va Murod darvozasini ishg‘ol qilishdi. Hisob 0:1. Bo‘lim 
yakunida esa mehmonlar Murodning qo‘pol xatosidan unumli foy-
dalanib hisobni 0:2ga yetkazishdi.
– Obbo hammasi rasvo bo‘ldi, – deya o‘z e’tirozlarini bildira 
boshlashdi muxlislar. 

---

57
FUTBOL FALSAFASI
Bu gollar “Turon”chilar ruhini ancha tushirib yubordi. Jamoalar 
tanaffusga yo‘l olishdi. Kiyinish xonasida Fozil shogirdlarini may
-
donga qo‘rqmay to‘p surishga undadi: “Bolalar, muhimi, chiroyli va 
halol o‘yin. Shuni aslo unutmanglar. Endi maydonga chiqinglar-da 
bu yerga kelganlarga futboldan zavqlanish qanaqa bo‘lishini bir 
ko‘rsatib qo‘yinglar. Qo‘pollik-u ayyorliklarga yo‘l qo‘ymanglar. 
Biz ning maqsadimiz – halol o‘yin. Qani olg‘a “Turon!”
Mezbonlar ikkinchi bo‘limni ko‘tarinki ruhda boshlashdi. Ja-
moaning asosiy hujumchisi Islom bir-ikkita fint ishlatib, mux
-
lislarning olqishlariga sazovor bo‘ldi, darvozabon Murod esa chi-
royli “seyv”lari bilan muxlislar va selektsionerlar e’tiboriga tushdi. 
Navbatdagi hujumlarning birida, nihoyat, Fozil shogirdlari to‘pni 
darvozaga kiritishni uddalashdi. Ismoilning burchakdan uzatgan 
to‘pini hammadan baland sakragan Hamid boshi bilan darvozaga 
joylab qo‘ydi. Shundan so‘ng mezbonlar yanada jonlanishdi.
– Vali to‘pni menga oshir dedi, – Islom. Vali esa Bahodir bilan 
ajoyib kombinatsiya uyushtirib to‘pni Islomga uzatdi, u bir-ikkita 
aldamchi harakat qilib uch himoyachini aldab o‘tdi va darvozabon 
bilan yakkama-yakka holatga chiqdi. Hamma hayajonda. Islom dar-
vozabonni ham aldab o‘tgach, barcha muxlislar bo‘sh qolgan dar-
vozani ishg‘ol qilishini kutayotgan bir pallada u to‘pni maydon 
tashqarisiga chiqarib yubordi. Sababi raqib himoyachisi maydonda 
jarohatlanib yotgandi. Islom esa jentlmenlarcha ish tutdi.
– Ahmoq ekan-u bu. 
– Ey, jinnimisan, bo‘sh qolgan darvozaga ham gol urolmading-ku. 
Muxlilar orasida noroziliklar kuchayib ketdi. Fozil esa: “Balli, Is-
lom” deganday uni olqishlab qo‘ydi. Nafaqat butun stadion, balki 
raqib futbolchilari ham buni kutishmagandi. Hamma hayron. Biroz 
jimlikdan so‘ng butun stadion jentlmen futbolchini olqishlab qo‘ydi. 
Uning otasi esa o‘g‘lidan faxrlanayotgandi. Raqib futbolchilari 

---

58