Fuqaro himoyasi

3. Ish joylari va uylarni zararsizlantirish
Radioaktiv zararchalar bilan zararlangan uylar va jihozlarni zararsizlantirishdan oldin quruq holda tozalanib, keyin ho'l lattalar bilan artiladi. Binolarning tashqi taraflarini dezaktivatsiya qilishda suv bosimi bilan yuviladi.
Bino va inshootlarning devorlari xlorli ohak bo'tqasi, xloramin va ishqor eritmalari bilan degazatsiya qilinadi. Inshootlarni ishqor va xloramin eritmalari bilan degazatsiya qilishda zaharlangan yuzalarga bu eritmalar turli mashina va asboblar , purkagichlar yordamida sepiladi. ZM-ning tomchilari bino va inshootlarning ichki xonalariga kamdan - kam kiradi. Xonalarga ZM-ning bo'g'i havo bilan kirib,u joylarni zaharlashi mumkin. Bunday hollarda degazatsiya qilish zaharlangan xonalarni shamolllatishdan yoki xonalar havosiga degazatsiya qiluvchi suyuq moddalar va eritmalar purkagichlar yordamida purkashdan iborat bo'ladi. Ish va turar joylarni dezinfektsiya qilish xonalar shipidan boshlanadi. Devorlar yuqoridan pastga qarab dezinfektsiya qilinadi. Dezinfektsiya qilingandan 2-3 soat o'tgach, ship, devor va pollarni, shuningdek mebel va har xil buyumlarni sovunlab ho'l lattada artish va qaynoq suv bilan yuvib, so'ngra quruq latta bilan artish kerak. Dezinfektsiya qilinganda ishlatilgan hamma materiallar (lattalar, paxtalar)-ni yoqish kerak.
Zararlangan joylarni zararsizlantirish ishlari tamom bo'lgandan so'ng har bir fuqaro to'liq sanitar qayta ishlovdan o'tishi kerak.
4. Odamlarga nisbatan sanitariya ishlovi olib borish.
Germetik boshpana va pana joydan tashqarida, zararlangan territoriyada qolgan hamma aholi, shuningdek, zararlanganlar maxsus sanitariya ishlovidan o'tishi kerak. Sanitariya ishlovi ikki qismdan iborat bo'ladi:
odamlarning terisi va shilliq pardalarini sanitariya ishlovidan o'tkazish;
kiyimbosh, poyabzal, shaxsiy himoya vositalari va boshqalarni dezaktivatsiyalash, degazatsiyalash va dezinfektsiya qilish.
Sanitariya ishlovi RM, ZM va bakteriologik vositalarning organizmga ta'sirining oldini olish va to'xtatish maqsadida o'tkaziladi. Sanitariya ishlovi to'la va qisman bo'ladi.