Foydali qazilmalarning genetik va sanoat turlari

Glossariy 
Abissal
– dengiz tubining 3000-6000 mchuqurliklariga to‘g‘ri keladigan qismi. 
Okean tubining 75% ga yaqin qismini egallaydi. 
Vulkan
– Er qa’ridan vaqti-vaqti bilan gaz, bug‘, lava, vulkan moddalari 
chiqadigan vulkanoklastik dumaloq yoki darzlik ko‘rinishdagi teshik. Ko‘proq vulkan 
deganda, cho‘qqisida krateri bo‘lgan otiluvchi moddalardan iborat balandlik 
tushuniladi. 
Vulkanizm
– er ostidan yuzasiga qarab harakat qiluvchi magmatik massa va 
ularni ta’qib qiluvchi gaz-suvli mahsulotlarning siljishi bilan bog‘liq jarayonlar va 
hodisalar majmui bo‘lib, uning platforma, geosinklinal, orogen turlari farqlanadi. 
Intruziv
– Er po‘stining ichki qismida magmaning qotishidan hosil bo‘lgan 
magmatik tog‘ jinsining tanasi. 
Magma
– erigan yuqori haroratli suyuq modda. Er po‘stida yoki yuqori 
mantiyada hosil bo‘ladi. Sovib kristallanganda magmatik tog‘ jinslarini tashkil qiladi. 
Magmatizm
– geosinklinal va platforma xududlarining shakllanishida effuziv 
(vulkanizm) va intruziv (plutonizm) jarayonlarini birlashtiruvchi atama. 
Tektonika
– geologiyaning Er po‘sti strukturasi va uning umuman Er taraqqiyoti 
bilan bog‘liq (tektonik harakatlar va deformatsiyalar ta’sirida) o‘zgarishini 
o‘rganadigan tarmog‘i.