Физикавий ва физик – кимёвий усулларни сифат таҳлилда қўлланиши Кириш Сифат таҳлилда, жумладан фармацевтик таҳлилда, илгариги бобларда баён этилган аналитик реакциялардан ташқари, «Ускунавий усуллар»

баъзи ўрта ортофосфатлардаги асосий тебранма частоталар, см^-1

Бирикмалар	νS(РO)	νf(РO4)	δ f (РO4^3-)	δе(РO4^3-)
РO4^3-сувдаги эритмада	937	1022	562	420
Li3РО4·0,5Н2О	˜950	˜1040*	587
Na3PO4·12H2O	˜940	˜1025*	545
Li2NaPO4·xH2O	945	˜1050	590	445
Ag3PO4	˜945	˜970	555
Mg3(PO4)2·8H2O	˜962	˜1020; ˜1065*	600	475
Ca3(PO4)2		˜1032; ˜1090*	565; 603
Cd3(PO4)2		˜1030; ˜1065	˜575*
A1PO4		˜1085*	697?	˜440; 475
LaPO4		980; ˜1040; 1070	545; ˜572; 620
YPO4		˜1031; 1070	526; 643
Pb3(PO4)2	˜919	˜965; 995; 1055	550*	˜388
CrPO4·6H2O		˜1050*	˜570
FePO4·2H2O		˜1040	˜550	˜460
FePO4·2H2O		˜1040	˜555	˜460
Ni3(PO4)2·8H2O		˜1055	˜590
InPO4·2H2O		˜1030	557; 580; 612

* - Мураккаб ютилиш бандларининг максимумлари
Моногидрофосфат НРО₄^2- ёки дигидрофосфат Н₂РО₄ анионларининг спектрлари ўзини мураккаблиги билан ўрта фосфатларнинг (ўрта тузлар) спектрларидан фарқ қилади. Моногидро ва дигидрофосфатларни очиш учун барча ютилиш бандларидан, яъни очилаётган муайян фосфатнинг тўлиқ ИҚ спектридан фойдаланиш лозим. Таҳлил этилаётган фосфат спектри унинг стандарт намунасининг спектрига солиштирилса айниятлаш осонлашади.
Пирофосфат (дифосфат) – ион Р₂О₇^4-. ([О₃Р – О – РО₃]^4-) таркибида кислород атоми орқали боғланган иккита РО₃ гуруҳи бор. Пирофосфатларнинг ИҚ спектрлари фосфотларнинг спектрларига нисбатан мураккаб. Пирофосфатларнинг ИҚ спектрлари камида тўртта тавсифий ютилиш бандлари: РО₃ гуруҳининг валент тебраниши ν(РO) ≈ 710 – 740 см^-1 ва 550 см^-1 атрофидаги деформацион тебраниш тизимидан иборат. Бу бандлар интенсив бўлиб, уларни пирофосфат ионларини очиш учун аналитик банд сифатида қўллаш мумкин.
Турли катионлар пирофосфатларининг спектрларида бошқа ютилиш бандлари ҳам кузатилади. Кристалл ҳолатда, пирофосфат ионларини ютилиш ИҚ спектрлари катионлар таъсирида таркибий бандларга бўлиниб, анча мураккаблашади, аммо юқорида кўрсатилган тўртта асосий ютилиш банди сақланади.
Трифосфат, тетрафосфат, метафосфат ва бошқа полифосфатларнинг ИҚ спектлари жуда мураккаб. Уларнинг ҳаммаси ҳам РО боғининг валент тебраниш, РОР гуруҳининг деформацион тебраниш бандлар тизими тақрибан дифосфат (пирофосфат) ионидаги каби қийматларга эга. Масалан: таркибида (РО₃)_n^n- анион сақлаган метафосфатларнинг спектрларида; ν_s(РOР) ≈ 660 – 820 см^-1,ν_аs(РOР) ≈ 960 – 1080 см^-1, ν_s(РO₂) ≈ 1060 – 1180 см^-1, ν_аs(РO₂) ≈ 1180 – 1320 см^-1 тавсифий ютилиш бандларидан метафосфатларни айниятлашда фойдаланилади.

Кўпчилик фосфатларни спектрлари яхши ўрганилиб, адабиётларда чоп этилган, шундай бўлса ҳам эталон (солиштирма) спектр бўлганда фосфатларни айниятлаш хатосиз ва аниқ бўлади.
Карбоксилатлар. Карбон кислоталарининг аниони – карбоксилат ион, таркибида

органик радикал R ва иккита бир хил “текисланган” С = О боғлари бўлиб, мазкур хусусияти билан, битта қўшбоғ С = О ва бир якка боғ С – О дан иборат карбон кислоталаридан  фарқ қилади. Карбон кислоталар тузларининг ИҚ спектрларида карбоксилат ион ва органик радикал – R га хос тавсифий бандлар кузатилади.
Карбоксил гуруҳнинг ички тебранишларига оид ютилиш бандлари: СО боғининг антисимметрик валент тебраниш – ν_аs(CОO) ≈ 1550 – 1600 см^-1 (интенсив банд), СО боғининг симметрик валент тебраниши ν_s(COО) ≈ 1360 – 1460 см^-1 (интенсив банд), карбоксил гуруҳининг деформацион тебраниш - δ(ОCO) ≈ 650 – 790 см^-1 (ўрта интенсив банд) тегишли соҳаларда кузатилади.
Органик радикал R таркибида, ИҚ спектрнинг кенг соҳасида ўзига хос ютилиш бандларига эга бўлган турли боғ ва функционал гуруҳлар бўлиши мумкин. Масалан СН боғининг тавсифий валент тебранишлари, – СН₂ – ва – СН₃ гуруҳларида, ˜2800-3000 см^-1 соҳада, деформацион тебранишлар банди ˜1360 – 1460 см^-1 оралиғида жойлашган.
R радикалнинг табиатига кўра қатор бошқа бандлар: масалан С – С боғининг, R радикалининг “скелет тебраниши” деб аталувчи, валент тебранишлар банди ҳам кузатилади.
Одатда ν_аs(CОO), ν_s(CОO) ва δ(ОCO) частоталар, спектрда осон аниқланадиган, интенсив банд бўлгани учун карбоксилат гуруҳнинг таҳлилий банди хисобланади.
Таҳлил этилаётган объект таркибида турли карбон кислоталарнинг тузлари бўлса, ИҚ спектрдаги турли карбоксилатларнинг бандлари устма – уст тушгани сабабли ҳар бир карбоксилатга мансуб бандларни аниқ ажратиб таҳлил этиш қийинлашади. Бундай ҳолларда очилиши лозим бўлган карбоксилатларнинг эталон спектрларидан фойдаланиш керак. Масалан, натрий ацетатни очиш учун таҳлил этилаётган модда спектрини, тоза натрий ацетатнинг маълум (эталон) спектрига солиштириш лозим.
Карбоксилат ионларнинг таркиб жиҳатдан энг соддаси формиат ионидир.