Физикавий ва физик – кимёвий усулларни сифат таҳлилда қўлланиши Кириш Сифат таҳлилда, жумладан фармацевтик таҳлилда, илгариги бобларда баён этилган аналитик реакциялардан ташқари, «Ускунавий усуллар»

Таҳлилнинг оптик турларида қўлланадиган баъзи тушунчалар. Электромагнит нурларни, (энергия), тўлқин узунлиги (ёки частоталар) бўйича тақсимланиши – спектр дейилади.
Атом ва молекуляр спектроскопия усулида моддага ютилган (абсорбцион), ажралиб чиққан ёки ундан тарқалган (эмиссион) нурларни спектрал таркиби ўрганилади.
Абсорбцион спектроскопия – турли энергиялик нурлар тўплами (спектри)ни моддага танлаб (селектив) ютилишига асосланган.
Эмиссион спектроскопия – қўзғалган энергетик холатдаги модда энергиясини электромагнит нурлар кўринишида ажралиб чиқишига асосланган.
Таҳлилнинг оптик усулларида қўлланиладиган баъзи ўлчов бирликлар. Квант назариясига кўра системага (молекула, атом, ион) энергия ютилганда ёки ундан энергия ажралиб чиққанда энергия ўзгариши қуйидагича ифодаланади.
ΔЕ  Е´ - Е´´  hν
бу ерда: h – Планк доимийси; ν - частота, см^-1; Е´ ва Е´´ - системанинг қўзғалган ва асосий холатлардаги энергияси.
Монохроматик (тўлқин узунлиги λ ≈ const ўзгармас) нур – квант hν энергияси Е, частотаси ν, тўлқин узунлиги λ ва тўлқин сони  билан тавсифланади:
E = hν = hc /ν = hc ;  = 1 / λ = ν / c
бу ерда: с – электромагнит нурларни вакуумда тарқалиш тезлиги (ёруғлик тезлиги).
Полихроматик (λ≠const) нурлар учун юқоридаги катталикларни бир қиймати эмас, маълум оралиғи кўрсатилади.
Қўлланаётган спектр соҳасига кўра тўлқин узунлик λ - узунликни халқаро ўлчовлар системасида (СИ) қабул қилинган бирлиги метрнинг ўнлик улушларида ифодаланади. Ультрабинафша (УБ) ва кўринадиган (К) соҳа нурлари – нонометрларда (1 нм = 10^-9 м), қисқа ва ўрта инфрақизил (ИҚ) соҳа нурлари – микрометр (микрон)ларда (микрон – 1 мкм = 10^-6 м) узун ИҚ ва микротўлқинлар соҳа нурлари мм ва см бирликларида ифодаланади.
Электромагнит тўлқинлар частотаси тескари секунд с^-1 ёки герц (Гц) ларда ифодаланади.
Тўлқин сони  тескари сантиметр (см^-1) ларда ёки тескари метр (м^-1) ларда ўлчанади. Тўлқин сони,  узунлик бирлиги (1 см ёки 1 м) га сиғадиган тўлқинлар сонини англатади.
Эмиссион спектрал таҳлилда тўлқин узунлик авваллари ангстремда А (1А = 10^-10 м = 10^-8 см = 10^-4 мкм = 10^-1 нм) ифодаланган.
Электромагнит нурлар узун радио тўлқинлардан то қисқа γ - нурлар оралиғигача бўлган кенг соҳани қамраб олган. Таҳлилнинг оптик турларида бу соҳанинг микротўлқинлардан то қисқа УБ нурларгача бўлган кичик бир қисми қўлланади. 20.1 – жадвалда спектрни ана шу қисми тавсифланган.
20.1 – жадвал.