Физикавий ва физик – кимёвий усулларни сифат таҳлилда қўлланиши Кириш Сифат таҳлилда, жумладан фармацевтик таҳлилда, илгариги бобларда баён этилган аналитик реакциялардан ташқари, «Ускунавий усуллар»

Карбонат ион СО₃^2-. Тузилиши нитрат ионга ўхшаш бўлган, ясси анион нитрат ион каби тўртта асосий тебранма частотага (сувдаги эритмада): симметрик валент тебраниш частотасиν_S(СO) ≈ 1063 см^-1, иккиланган, носимметрик валент тебраниш частотаси ν_е(СO) ≈ 1415 см^-1, ҳамда иккита деформацион тебраниш частоталари δ(СO₃^2-) ≈ 880 ва 680 см^-1 га эга. ИҚ – спектрлардафақат учта частота: ν_е(СO) ва иккита деформацион тебраниш частоталари намоён бўлади. ν_S(СO) ИҚ спектрларда фаол эмас, аммо КР – спектрда фаол намоён бўлади.
Туз кристалидаги катион таъсирида карбонат ионининг мазкур тавсифий частоталари бир оз ўзгарса-да, улар қийматининг тартиби ўзгармайди.
Карбонат ионларини айниятлаш учун аналитик банд сифатида ИҚ спектрда кўринадиган уччала ютилиш бандидан ҳам фойдаланиш мумкин. Мазкур ν_е(СO) иккиланган валент тебраниш частотаси бўлиб, спектрда осон топилади. 880 см^-1 атрофидаги ингичка ва кескин ютилиш банди ҳам осон айниятланади. 680 см^-1 даги ютилиш бандининг интенсивлиги кичик бўлса ҳам, одатда осон айниятланади.
20.15 жадвалда баъзи карбонатлардаги карбонат ионининг тебранма частоталари келтирилган.
20.15 жадвал
Баъзи карбонатлардаги карбонат иони СО₃^2- нинг асосий тебранма частоталари (ютилиш спектридаги мураккаб бандлар юлдузча * билан белгиланган)

Бирикмалар	νS(СO3^2-)	νе(СO3^2-)	δ(СO3^2-)	δе(СO3^2-)
СO3^2- сувли эритмада	1063	1450	880	680
CO3^2-	1085	1443; 1510	865	722
Li2CO3		˜1445	881	720
Na2CO3		˜1385	866	˜720
Na2CO3·10H2O	˜1060	˜1400*	882	710
K2CO3·xH2O	1038; 1050	˜1340; 1425*	880; 885	˜720
Cs2CO3·xH2O	1096	1460		735
MgCO3	˜1080	˜1420*	875	715
CaCO3(кальцит)	1083	˜1450	850; 870	710; 740?
CaCO3(ватерит)	1070	˜1470	845; 860	702; 710
SrCO3	1060	˜1458	840; 860	695; 722?
BaCO3	1051	˜1402; ˜1440	825; 840	679
PbCO3	1071	˜1330; ˜1425	785; 803	˜715; 723
Ag2CO3	˜1077	˜1440	835; 860	725
MnCO3	1070	˜1450*	835; 856	727
CoCO3	1072	˜1450*	840; 867	720; 745

Ички сферада, ацидолиганд сифатида, карбонат иони бўлган комплексларининг ИҚ – спектрларида карбонат гуруҳига мансуб ютилиш бандлари карбонат ионининг спектрига нисбатан бир оз силжиган ва бўлинган ҳолда намоён бўлади. Карбонат гуруҳи металл М катионига қуйида тасвирлангандек икки хил кўринишда бирикиши мумкин (зарядлар соддалик учун ёзилмаган).

I тузилиш

II тузилиш

Карбонат гуруҳи металл ионига бидентат боғланган (II тузилиш) бирикмаларнинг ИҚ – спектрларидаги валент тебраниш бандлари, карбонат гуруҳи монодентат ҳолда бирикган (I тузилиш) комплекслар спектрларига нисбатан кўпроқ бўлинган. II – тузилишдаги комплексларда валент тебранишларга мансуб ˜1560-1620, ˜1280-1380 ва ˜1012-1060 см^-1 частоталар мавжуд. I тузилишдаги комплекслар спектрида эса карбонат гуруҳининг валент тебраниш частоталари ˜1455-1495, ˜1360-1373, ˜1050-1072 см^-1 соҳада намоён бўлади.
Бинобарин, ИҚ спектрларни ўрганиш асосида комплекда бу икки хил тузилишдан қайси бири мавжудлигини аниқлаш мумкин.
˜840-860 ва ˜750-760 см^-1 соҳада намоён бўладиган карбонат гуруҳининг деформацион тебраниш бандлари ҳам карбонат гуруҳ мавжудлигини исботлаш учун кифоя қилади.
Гидрокарбонат – ион. ИҚ спектри карбонат – ион спектридан кескин фарқ қилади. Бикарбонатлар ИҚ – спектрларида еттита ютилиш банди тақрибан қуйидаги соҳаларда: 2000-3300 (кенг ва мураккаб), 1840-1930 (кенг ва кучсиз), 1600-1700 (интенсив ва мураккаб), 940-1000 (кенг ва ўрта интенсив), 830-840 (ингичка, кескир, ўрта интенсив), 690-710 (ингичка, кескир, ўрта интенсив) ва 640-670 (ингичка, кучсиз) кузатилади.
Ютилиш ИҚ – спектрларини солиштириб карбонат ва гидрокарбонат ионларини фарқлаш мумкин.
Гидрокарбонатларни айниятлаш учун тегишли гидрокарбонатларни кенг 400-4000 см^-1 ёки ундан-да кенгроқ 50-4000 см^-1 соҳада ёзилган эталон спектрларидан фойдаланилади.