Fizika 9-sinf ii-chorak

Real gazning ichki energiyasi. Real gaz molekulalari bir-biri bilan o'zaro ta'sirlashadi va shuning uchun potensial energiyaga ham ega. Demak, real gazning ichki energiyasi molekulalarning potensial va kinetik energiyalari yig'indisiga teng:

U=E_p + E_k

Issiqlik uzatishda ichki energiyaning o'zgarishi. Sistemaning temperaturasini o'zgartirish bilan ichki energiyani o'zgartirish mumkin. Bu hollarda issiqlik almashish jarayonida ish bajarilmaydi, lekin uzatilgan Q issiqlik miqdori jismning ichki energiyasi o'zgarishiga teng:

Issiqlik miqdori ham ish va energiya kabi xalqaro birliklar sistemasida joullarda o'lchanadi.

Massasi m bo'lgan jismni (moddani) t₁ , temperaturadan t₂ temperaturagacha isitish uchun kerak bo'ladigan Q issiqlik miqdori quyidagicha hisoblanadi:

Q = cm(t₂ - t₁).

Bu yerda c — modda tarkibiga bog'liq bo'lgan koeffitsiyent bo'lib, solishtirma issiqlik sig'imi deb ataladi. t₁—jismning boshlang'ich temperaturasi, t₂ —jismning oxirgi temperaturasi, m—jism massasi.