Fazoviy tahlilni tamiynlovchi jarayonlar Reja

10. Tarmoq tahlili
Odamlarning harakati, transport qatnovi, xomashyolar va xizmatlarning tarqalishi (masalan, ko‘cha tarmoqlari, telefon kabel tarmoqlari, quvurlar, drenajlar), energiya va resurslarni etkazib berish, kommunikatsiya kabi ishlarning barchasi aniq tarmoq tizimi orqali amalga oshiriladi. Tarmoqlar geometrik jihatdan bir-biriga bog‘langan xususiyatlardan tashkil topgan. SHuning uchun barcha tarmoqlarni geometrik tarmoq desak ham bo‘ladi.
Tarmoq, o‘z navbatida, mantiqiy tashkil topuvchilardan iborat, bu tashkil topuvchilar ichida eng ko‘p qo‘llaniladiganlari quyidagilardir:

• 
  «Nodes» yoki tugunlar yordamida tarmoqlar boshlanishi, oxiri yoki kesishgan joyi aniqlanadi;
  
• 
  «CHains» yoki zanjirlar yordamida yuqoridagi tugun (node) chiziqlar orqali birlashtiradi;
  
• 
  bog‘lovchilar «Links» zanjirni hosil qiluvchi nuqtalarni birlashtirishga xizmat qiladi.
  

Tarmoq tahlili bir qancha texnik usullar yordamida muhandislar, rejalashtiruvchi mutaxassislar tarafidan o‘rganiladi. Bunda ular tarmoqning bir-biriga bog‘langanligi, hajmi va qancha oqimni o‘tkaza olish xususiyati kabi tahlillarni ko‘rib chiqadilar. Tarmoq tahlilida eng muhim atama bu “xarajat” so‘zidir. CHunki tarmoqni yaratayotgan paytda masofaning yaqin bo‘lishi va agar so‘z suv, neft va gaz resurslari haqida ketsa, uning hajmi xarajatga bog‘liq bo‘ladi. Barcha tahliliy ishlar mumkin qadar xarajatni kamaytirishga qaratiladi. Tarmoq tahlilining eng asosiy turi bu oddiygina tarmoqdan ma’lumotni olishdir. YAnada murakkabroq ko‘rinishi bu tarmoqda yangi ma’lumot hosil qilishdir. Bunga misol qilib ikki nuqta orasidagi eng qisqa masofani topishni keltirish mumkin. Vektor model rastrga qaraganda tarmoq tahliliga ko‘proq mos keladi. Tarmoq tahlili uchta asosiy tur yordamida amalga oshiriladi. Ular tarmoqni trassalash (tracing), tarmoqni marshrutlash (routing) va tarmoqni joylashtirish (allocation) dir.

1.