Fazoviy tahlilni tamiynlovchi jarayonlar Reja

Koordinatali geokodlash usuli tanlanganida geokodlanayotgan jadvalning ikki maydonida X va Y ning qiymatlari mos ravishda belgilanishi zarur. Har bir jadval uchun geokodlashni bajarayotganda koordinatani ko‘rsatgan holda nuqtali obekt yaratiladi.
Koordinatali geokodlashni amalga oshirayotganda yaratilayotgan obektlarning koordinatalarini transformatsiyalash ham mumkin. Agar jadvaldagi koordinata sistemasi kartadagi koordinata sistemasidan farq qilsa, bu jarayonning ahamiyati yanada ortadi. Koordinatali geokodlash geokodlash usullari ichida eng oddiysi hisoblanadi va yaratilayotgan obektlarning joylashuvini kartada aniq ko‘rsatib beradi.
Obektlar bo‘yicha geokodlash yaratilayotgan obektlarni mavjud boshqa obektlarga bog‘lash usuliga asoslangan. Bunday usul geokodlanayotgan jadvalda foydalanuvchiga qiziq bo‘lgan obektlarni (do‘kon, xizmat ko‘rsatish shoxobchalari) aniq belgilab qo‘yish kerak bo‘lganda qo‘llaniladi. Bunday geokodlashda shaharning batafsil plani etarli bo‘ladi va bu planda barcha bino va inshootlar manzillari bilan birga ko‘rsatilgan bo‘lishi kerak. SHundagina izlanayotgan obektni topish aniqligi yuqori bo‘ladi.
Obektlar bo‘yicha geokodlash aniqligi koordinatali geokodlashga qaraganda kamroq, lekin yaratilayotgan obektning aniq koordinatasini ko‘rsatishni talab qilmaydi.
Manzilli geokodlash usuli yaratilayotgan obektning joylashuvini berilgan chiziqli obektga nisbatan taxminiy hisoblashga asoslangan. Misollar bilan tushuntiradigan bo‘lsak, har bir shahar plani albatta tumanlarga bo‘lingan. Masalan, Toshkent shahri misolida qarasak, u dahalarga va har bir dahaning ichida bino-inshootlarga bo‘lingan. Mana shu bino va inshootlarga raqam berilgan. Geokodlash jarayonida oson bo‘lishi uchun albatta raqamlarni belgilashda ketma-ketlikka ahamiyat beriladi va bu bizga mantiqiy jihatdan qaysi bino daha (kvartal)ning qaysi tarafida joylashganligini aniqlash imkonini beradi. O‘z-o‘zidan ma’lum bo‘ladiki, 1 dan 50 gacha raqamga ega bo‘lgan dahada 10-raqamli bino dahaning boshrog‘ida joylashgan bo‘lsa, 48-bino oxirrog‘ida joylashadi. Bu usulda joylashtirilgan yoki yaratilayotgan obektlar koordinatalarining aniqligi obektlarning o‘lchamiga bog‘liq bo‘ladi. Masalan, yuqoridagi 10-raqamli binoning kartadagi o‘lchami dahaning uchdan bir qismini egallasa, 48-raqamli binoning o‘lchami kichik bo‘lgani uchun aniq emas.
Geokodlash usullarining barchasi bir maqsadni, ya’ni jadvaldagi ma’lumotlarni raqamli kartada tartibli holda joylashtirib, ketma-ketlik, yagonalikni saqlagan holda insonga tushunish va albatta izlab topishga oson bo‘lishi uchun ularni to‘g‘ri joylashtirishni ko‘zlab amalga oshiriladi.