Farzandlarini doimo izlanishda bo’lgan xalq o’z oldiga qo`ygan maqsadlarga albatta yetdi !

Yuqoridagi umumiy xulosalar asosida aytish mumkinki, uch yoshgacha davr va nutq faoliyatining eng oqilona namoyon qilish va to‘g‘ri, maqsadga muvofiq rivojlantirish bosqichi hisoblanadi. Binobarin, har bir yosh davrining o‘ziga xos qulay o‘sish pallalari, imkoniyatlari va o‘ziga xos xususiyatlari mavjud. Bu narsa umumiy psixologik qonuniyatlarga suyangan holda talqin etiladi, shu bilan birga yetakchi faoliyatning roli inobatga olinadi.

II BOB. OLTI YOSHLI BOLALAR SHAXSINING SHAKLLANISHI

II BOB. OLTI YOSHLI BOLALAR SHAXSINING SHAKLLANISHI

• 2.1. Olti yoshli bolalar bilish jarayonlarining taraqqiyoti:

Olti yoshli bolalarning har xil sezgilarga absolyut sezgirligi ancha yuqori darajaga yetishi aniqlangan. Ammo maktabgacha tarbiya yoshidagi bolada farq qilishga doir sezgirlik maktab yoshidagi bolaga yoki katta yoshli kishi nisbatan hali ancha zaif bo‘ladi.

Odam bolalik davridan biror faoliyatga kirishsa, sezgilari yaxshiroq o‘sadi. Olti yoshli bolalarda sezgilar, turli o‘yinlarda o‘sadi.

Olti yoshli bolalar fazoni idrok qilish qobiliyati ancha taraqqiy qiladi. Olti yoshli bolalar o‘yin vaqtida, maishiy hayotda turli tuman narsalar bilan turli ish harakatlar bajaradi. Bola ko‘p yuguradi ma'lum masofagacha yugurib boradi. U rasm soladi loydan biror narsa qiladi tuzish qurish bilan shug‘ullanadi. Bu ishlarning hammasi bolaning fazo idroklarining o‘sishiga yordam beradi. Bola ikki o‘lchamli va uch o‘lchamli (tekis va hajmli) narsalarni ajrata biladi. U ancha uzoq masofada turgan narsalarning shaklini, katta kichikligini, qaysisi uzoq, qaysisi yaqinroq turganini mo‘ljal bilan ayta oladi.

Olti yoshli bolalarda kattalarning rahbarligi ostida uy-ruzg‘or mehnatida ishtirok qilish va o‘yin faoliyati tufayli ixtiyoriy idrok qobiliyati ham o‘sa boshlaydi. Ixtiyoriy idrok bolalarda tafakkur, iroda va ixtiyoriy diqqatning o‘sishi bilan birga tarkib topadi.

Olti yoshli bolada kuzata bilish qobiliyati ham ko‘rina boshlaydi. Kuzata bilish qobiliyatining o‘sishiga tabiat burchaklarida olib boriladigan ishlar sayr va ekskursiyaga borib turishlar yordam beradi. Bolalar narsalarni kattalarning rahbarligida, kattalar belgilab birgan maqsadga muvofiq e'tibor berib kuzatadilar. Kuzata bilish maktabgacha tarbiya yoshida, asosan tarbiya jarayonida o‘sib boradi.