Fanidan O`quv metodik majmua

3.2. Mavzuviy ma’ruzalarda ta’lim berish texnologiyasi


Mavzuviy ma’ruzalarda ta’lim berish texnologiyasining variantlari
(Talabalarga oldindan ma’ruza matnlari berilgan)
I bosqich.
1.1.Ma’ruza mavzusini e’lon qiladi, (talabalarga tarqatilgan matnda mavjud) asosiy savol, ahamiyatli tushuncha va so‘zlarni eslatadi.
1.2.Ma’ruza mashg‘ulotining kutilayotgan o‘quv natijalari va uni olib borish rejasi bilan tanishtiradi.
II bosqich.
2.1. Vazifani eslatadi: Insert texnikasidan foydalanib, ma’ruza matnini o‘qib chiqish. Tanishib chiqish uchun o‘rtog‘i bilan matn almashishni taklif etadi.
2.2. Talabalarni erkin bo‘lish belgisi bo‘yicha guruhlarga bo‘ladi.
1 - variant

• 
  Mavzu bo‘yicha “ekspert” bo‘lishlarini ma’lum qiladi.
  
• 
  Ekspert varaqlarini tarqatadi - ularning matnini kodoskop orqali namoyish etadi va sharhlaydi.
  
• 
  Guruhlarda ish boshlanganini ma’lum qiladi: jamoaviy yoki juftliklarga bo‘linib savollarga javob tayyorlaydilar.
  
• 
  Taqdimot boshlanganligini e’lon qiladi.
  

Guruh sardori/guruh a’zolari ular tomonidan o‘zlashtirgan materialni namoyish etuvchi materiallardan foydalanib bayon qiladilar; boshqa guruh taklifiga qo‘shilishlari yoki qo‘shilmasliklarini asoslaydilar; savollarga javob beradilar.
O‘qituvchi maslahatchi vazifasini bajaradi.
2 - variant

• 
  Xar bir guruh a’zosi mavzu bo‘yicha “ekspert” bo‘lishlarini va boshqalarni o‘qitishlarini (“Ilon izi” texnikasi) ma’lum qiladi.
  
• 
  Savollar miqdoriga bog‘liq holda, o‘zlashtiriladigan material bo‘yicha, barcha talabalarga ishlashlari kutilayotgan, ekspert guruhi raqamini (1, 2, 3, 4, 5) tarqatadi.
  
• 
  O‘zlarini raqamlariga mos ravishda kichik guruhlarga birlashishlarini aytadi. Guruhlarga ekspert raqamini tarqatadi, ularning matnini kodoskop orqali ekranga chiqaradi va sharhlaydi. Xuddi shunday ish natijalarining baholash ko‘rsatkichlari va mezonlari bilan tanishtiradi.
  
• 
  Guruhlarda ish boshlanganini ma’lum qiladi: jamoaviy yoki juftliklarga bo‘linib, o‘rganayotgan materialni kamroq grafik/jadval shaklida taqdim etishga harakat qilib, savollarga (bunday holatda natijalar albatta jamoaviy muhokama qilinadi), javob tayyorlaydilar.
  
• 
  Ekspertlar o‘zlarining dastlabki guruhlariga qaytadilar va boshqalarni o‘qitadilar.
  
• 
  O‘qituvchi tomonidan taklif etilgan “o‘zini tekshirish uchun savollar ro‘yxati”ga asoslanib, o‘quv materialini o‘zlashtirish darajasi tekshiruvini olib boradi.
  

O‘qituvchi, agar ish 1-variant bo‘yicha bajarilgan bo‘lsa, har bir guruh taqdimotining yakuni bo‘yicha xulosalar qiladi, talabalar diqqatini asosiyga qaratadi. O‘quv materialini o‘zlashtirish darajasini tekshirish maqsadida tezkor-savol beradi.
Agar ish 2-variant bilan bajarilgan bo‘lsa, umumlashtiruvchi xulosalar qiladi, talabalar diqqatini asosiyga qaratadi. O‘quv materialini o‘zlashtirish darajasini tekshirish maqsadida tezkor-savol beradi.
III bosqich.
3.1. Xulosa qiladi, talabalar diqqatini asosiyga qaratadi.
3.2. Guruhlarga o‘zaro baholashning yakunini ma’lum qilishlarini aytadi natijalarni sharhlaydi. Kelgusidagi kasbiy ish faoliyatlari uchun bajarilgan ishlarning muhimligini ko‘rsatib o‘tadi.
3.3. Mustaqil ish uchun topshiriq beradi va tushuntiradi.