Фан бўйича талабаларнинг билим, кўникма ва малакаларига қўйиладиган талаблар

Назорат учун саволлар
1.Нима учун иқтисодий ресурслар тушунчасини «қабул қилиш» истеъмолчилар психологиясини тушунтиришда ресурсларни ўзлари сингари муҳим ўрин тутади?
2.Асосий товар категориялари ичидан маҳсулотларни олиш билан даромадлар даражаси ўртасида қандай ўзаро алоқадорликни кўриш мумкин?
3.Маркетинг тадқиқотлари ўтказишда даромад қандай аниқланади?
4.Кутилаётган аҳоли турмуш даражасини ошиши билан ўз ўсиш имкониятларини қидираётган кенг истеъмол товарлари ишлаб чиқарувчи корхонага қандай маслаҳатлар берасиз?
5.ЯИМ аббревиатураси нимани англатади? Ушбу тушунчанинг ЯММ тушунчасидан фарқи нимадан иборат?
6.Истеъмолчида мавжуд бўлган пул ва вақт ҳажмлари орасидаги ўзаро алоқадорлик йирик чакана сотувчининг маркетинг стратегиясига қандай таъсир этади?
7.Бозор салоҳияти қандай аниқланади?
8.Вақтни истеъмол қилувчи товарлар деганда нимани тушунасиз?
9.Вақтни тежовчи хизматлар ва товарлар деганда нимани тушунасиз?


8-мавзу бўйича тавсия этилган адабиётлар

1. 
   Michael S., Gary B., Søren A., Margaret K.H. Consumer behaviour A European Perspective. Fifth edition, 2006 by Pearson Education, New Jersey, USA. Р. 701.
   
2. 
   Бекмурадов А.Ш., Қосимова М.С., Сафаров Б.Ж. Истеъмолчи психологияси. Ўқув қўлланма. – Т.: ТДИУ, 2007. - 110 бет.
   
3. 
   Меликян О.М. Поведение потребителей: Учебное пособие.-М.: Издательско-торговая корпорация “Дашков и К^о”, 2006.-260 с.
   
4. 
   Ergashxodjaeva Sh.J.,Qosimova M.S., Yusupov M.– Marketing. Darslik. T.: - TDIU, 2011
   

9-МАВЗУ. АТРОФ МУҲИТ ТАЪСИРИ

9.1. Маданият тушунчаси

9.2. Маркетингга таъсир этувчи асосий маданий қимматдорликлар
9.3. Миллий маданият


9.1. Маданият тушунчаси
Маданият қимматдорликлар, ғоялар ва бошқа муҳим белгилар мажмуасига тааллуқли бўлиб, улар инсонларга ўзаро мулоқотда бўлиш, ҳамда бир-бирини жамият аъзоси сифатида баҳолаш ва мушоҳада қилишга ёрдам беради. Маданият ноёб муаммоларни бир марталик ҳал этиш йўли сифатида инстинктлар ва идиосинкроз хулқ-атворни ўз ичига олади.
Маданиятга ҳам мавҳум, ҳам моддий элементлар киради. Мавҳум элементлар бўлиб қимматдорликлар, эътиқодлар, ғоялар, инсонлар типлари, диний қарашлар ҳисобланади. Моддий ташкил этувчилар бўлиб китоблар, компьютерлар, асбоблар, бинолар ва х.к.лар ҳамда «Levi’s 501» жинси шимми ёки хит қўшиқчи аёлнинг сўнгги қўшиғи ҳам ҳисобланади. Маданиятнинг моддий элементлари айрим ҳолларда маданий артефактлар ёки маданиятнинг моддий кўриниши ҳам деб номланади ва бу ҳолат маданият тушунчасини фақат мавҳум соҳа сифатида чеклайди.
Маданият инсонларга ўзларини шахс сифатида англашга ва хулқ-атворнинг мумкин бўлган моделларини тушуниб олишга имкон беради. Маданият таъсирида шаклланадиган муҳим дунёқараш ва хулқ-атвор жихатлари бўлиб қуйидагилар ҳисобланади:
- дунёни ва ўзини англаш;
- мулоқат ва тил;
- кийим ва ташқи қиёфа;
- овқатланиш маданияти;
- вақт тўғрисида тасаввур;
- ўзаро муносабатлар (оила, ташкилот, хукумат ва х.к. лар даражасида);
- қимматдорликлар ва меъёрлар;
- ишонч ва қарашлар;
- фикрлаш жараёнлари ва ўқитиш;
- ишдаги одатлар.