С# тилининг типлари тизими Маълумотларнинг типлари

С# тилининг типлари тизими
Маълумотларнинг типлари
Дастур ишлаш жараёнида қайта ишланаётган ёки дастурда фойдаланилаётган маълумотлар оператив хотирада жойлашади. Компильятор ушбу маълумотларнинг оператив хотирадан қанча жой эгаллаши, қандай кодланиши ва улар устида қандай амаллар бажариш мумкинлигини аниқ билиши лозим. Буларнинг барчаси маълумотларни типлар ёрдамида аниқлаштириб олиш орқали амалга оширилади.
Маълумотларнинг типлари – маълумотни тақдим этилиши, унинг қабул қилиши мумкин бўлган қийматлар тўплами билан харатерланади.
Дастур бажарилиши жараёнида маълумотлар сақланувчи хотира 2 га бўлинади: стек(stack) ва динамик област(heap, куча ҳам деб аталади). Стекда компильятор томонидан ажаратилиб, унда маълумот сақланувчи динамик хотира адреси сақланади. Маълумотлар аса асосан динамик хотирада сақланади. Вақти-вақти билан ушбу хотира дастур бажарилиши жараёнида махсус буйруқ билан тозалаб турилади.
Типларнинг синфификацияси
Типлар уларнинг турли белгиларига кўра синфификацияланади. Тип яратилишига кўра оддий ва структурали турларга, уни яратувчига кўра стандарт ва дастурчи томонидан аниқланган турларга бўлинади. Маълумотларни сақлаш имкониятига кўра типлар: ўлчамли(қийматли) ва ишоратли турларга бўлинади.
Ўлчамли типлар – биз аввалдан фойдаланиб келганимиз стандарт типлардир. Ишоратли типлар эса – объектлардир. С# да ўлчамли типлардан ишоратли типлар сифатида фойдаланиш ҳам мумкин. Яъни улар ўз навбатида объект сифатида ҳам ишлатилади. Бунинг учун System кутубхонасини проектга боғлаб олиш лозим.

Жадвал1. C# да асосий типлар (CTS- Common types System)
Объект	ўлчамли	Тавсифи
Object	object	CTS нинг барча типларининг базавий синфи
String	string	Сатрли тип
SByte	sbyte	8-разрядли ишорали бутун сонлар. 128 ... 127
Byte	byte	8-разрядли ишорасиз бутун сонлар. 0 .. 255
Int16	int	16-разрядли ишорали бутун сонлар. 32 768.. 32 767
UInt16	uint	16-разрядли ишорасиз бутун сонлар. 0 .. 65 535
Int32	int	32-разрядли ишорали бутун сонлар. 2 147 483 648 .. 2 147 483 647
UInt32	uint	32-разрядли ишорасиз бутун сонлар. 0 ..4 294 967 295
Int64	long	64-разрядли ишорали бутун сонлар. 9 223 372 036 854 775 808 .. 9 223 372 036 854 775 807
UInt64	ulong	64-разрядли ишорасиз бутун сонлар. 0 .. 18 446 744 073 709 551 615
Decimal	decimal	128-разрядли ҳақиқий сонлар.
Char	char	16-разрядли белгили тип.
Single	float	32-разрядли ҳақиқий сонлар.
Double	double	64-разрядли ҳақиқий сонлар.
Boolean	bool	Мантиқий типлар (true/false)