2.a. Toshdon - mitti xovuzsimon chuqurliklar. Ushbu karr turlarining tubi yotiq bo'lib, aksariyat hollarda efemerlar o'suvchi hamda tuproq qoplami va uvoq tog' jinslari parchalari bilan yarim to'lgan holatda uchraydi va shu boisdan toshdon deb ataladi. b. Korrazion o'yiqlar - bunday guruhdagi karrlarning devorlari uni qoplagan tuproqning birmuncha namlanishi ta'sirida yemirila boshlaydi, natijada mitti ayvonsifat devorli karrlar shakllanadi.
Yopiq karrlar - tuproq qoplami tagida rivojlanadi. SHu boisdan ularning shakllanish jarayonini kuzatish qiyin tus oladi. SHunday bo'lsada, ularning aksariyat hollarda yumaloq shaklga ega bo'lgan holda rivojlanishini ilg'ash mumkin. Gumid iqlimli o'lkalarda ushbu turdagi karrlarning o'simliklar bilan bo'liq qoplangan holda o'chratamiz. SHu boisdan gumus ostida mavjud bo'lgan karstlanuvchi jinslarning eruvchan minerallar bilan to'yingan nuqtalari yumaloq shakl kasb etuvchi ko'rinishga ega bo'ladi. Yopiq karrlar asosan namgarchilik yuqori bo'lgan tropik o'lkalarga xosdir.
G'orlardagi karrlar- ushbu turdagi karrlarning g'orlarning devorlari, qisman sathida, ko'proq shift qismida uchraydi va bir vaqtlar uning suv bilan to'la holda bo'lganligidan dalolat beradi. Shu boisdan ayrim adabiyotlarda (masalan SHukin I.S. 1964, str 44) relikt karrlar tarzida o'rganiladi.
Qirg'oq bo'yi karrlari.Dengiz, ko'l, suv omborlari bo'yida to'lqin urishi tufayli yuzaga keladigan karrlar turlari.
Ochiq karst turlariga karrlardan tashqari karst voronkalari (Nizomov bo'yicha dahana) ham mansubdir. Karst voronkalari- keng tarqalgan ochiq karst shakllaridan bo'lib, ular murakkab tuzilishga ega. Karst voronkalari N.A.Gvozdetskiy bo'yicha genetik jihatdan quyidagi tiplarga ajratiladi. Korrazion voronkalar erigan tog' jinslarini yer osti kanallari orqali eritma shaklida olib ketilishidan hosil bo'ladi. Bunday voronkalarning hosil bo'lishida yomg'ir va qor suvlari muhim rol o'ynaydi. Chunki voronkalar qishda yong'ir va qor suvlarining to'planishiga qulaylik yaratib beradi. Gravitatsion voronkalar esa yer osti bo'shliqlari tomlarining qulashidan hosil bo'ladi. Qulab tushgan tog' jinslari tog' jinslari voronkaning pastki qismini to'ldiradi. Ochiq karstda o'pirilish faqat karstlanuvchi jinslarni o'z ichiga oladi. Korrozion-suffozion voronkalar karstlanuvchi jinslar ustida yotuvchi g'ovak jinslarning yuvilishi va cho'kishi natijasida hosil bo'ladi. Ochiq karstda voronkalar jismlarning yuzadan boshlab erishi natijasida shakllanadi. Qalin ohaktosh qatlamlaridagi ochiq karst voronkasi tovoq yoki qozon shaklida bo'ladi, ularning tagida chuqur teshigi-voronkalari bo'ladi. Bunday voronkalar uncha katta bo'lmaydi, kamdan-kam hollarda diametri 100 m ga yetadi. O'pirilma voronkalar juda katta bo'ladi. Bolqon yarim orolining janubidagi shunday voronkalarning oxirida. ko'l joylashgan bo'lib, uning uzunligi 30 km, eni esa 15 km. yopiq karstda so'rilish voronkalari hosil bo'ladi. Barcha voronkalar, qaysi turga mansubligidan qat'i nazar, odatda tektonik yoriqlar bo'ylab qator-qator joylashadi. Karst voronkalarining shakllanish davri, karstlanuvchi tog' jinslarining genetik turiga ko'ra turlicha vaqt mobaynida yuzaga keladi. Nisbatan yumshoq va eruvchanlik darajasi yuqori bo'lgan xloridli jisnlarda qisqa muddat mobaynida tuzga nisbatan qattiqroq va eruvchanlik darajasi kamroq bo'lgan gipsda o'rtacha tezlikdagi muddatda va nihoyat korboantli jisnlar kabi har ikkala guruhga mansub tog' jisnlaridan kattaroq va eruvchanlik darajasi nisbatan sust bo'lgan tog' jinslarida voronkalar uzoq geologik muddatlar mobaynida sodir bo'ladi. Karst voronkalarining shakllanish jarayoni ular xosil bo'lgan tog' jisnlarining tektonik yoriqlar natijasida parchalanganlik holati bilan chambarchas bog'liqdir. Chunki gidrologik oqim tektonik yoriq tufayli hosil bo'lgan soy bo'ylab harakatlanar ekan, yoriqning biron kengaygan nuqtasi bo'ylab quyi qatlamlariga tomon yo'naladi. Bunday holatlarda ko'proq infiltratsiya (shimilish) emas, balki inflyuatsiya (yuzada oqayotgan oqimning pastki qatlamlarga to'g'ridan-to'g'ri quyilishi) jarayoni yuz beradi. Infiltratsiya kuchaygan yoki inflyuatsiya jarayoni kechayotgan nuqtada karstlanish kuchayib, bo'shliqlar kengayadi va nihoyat uning shift qismi o'pirilib tushib yer yuzasida botiq relyef shakli hosil bo'ladi.
