Ф. Жуманова, С. Авазова, Г. Жобборова, У. Хуснетдинов

“Кейс-стади” ёрдамида ўқитишда муаммолар аниқланади, ечимлар 
топилади, тавсиялар ишлаб чиқилади.  
Сифатли кейс-стадилар уларни тайёрлаш, расмийлаштириш ва текши-
риш учун кўп вақт талаб этади. Шу билан бирга тўғри тузилган ва ўқув фанига 
киритилган кейс-стади фанни ўзлаштиришда кўзланган натижаларга эришиш-
га имконият беради. 
Ишчи кейс-стадилар тузишнинг қуйидаги кетма-кетлигига риоя қилиш 
тавсия этилади:
Кейсни ўрганиш мақсад ва вазифаларини ишлаб чиқиш - мазкур 
босқичда ўқитувчи ўқитиладиган фан бўйича таҳсил олувчилар ўзлаштириши 
зарур бўлган билим ва малакаларга ўз эътиборини қаратади. Олдин ўрганилган 
материал билан қўйилган мақсаднинг сўзсиз мувофиқлиги кўзда тутилган 
бўлиши зарур. Кейс-стадиларни тузиш ва қўллашнинг асосий принциплари 
етарли даражада умумийдир. 
Кейснинг мақсад ва вазифаларига мувофиқ материаллар танлаш -
кейснинг материали муаммони очиб бериши лозим ва мазкур муаммо кейс ол-
дига қўйилган мақсад ва вазифаларга мос бўлиши керак. Кейслар ҳақиқий 
вазиятларнинг аниқ тафсилотини намойиш этишлари ёки бироз муаллифнинг 
ижод натижалардан қўшилган бўлиши мумкин. Кейслар учун маълумотлар ва 
материаллари сифатида юқорида кўрсатилганидек, газета мақолалари, ташки-
лотларнинг ҳужжатлари, у ёки бу соҳадаги ташкилотнинг фаолияти бўйича 
хусусий кузатувлар, мутахассисларнинг фикри, истеъмолчиларнинг фикри, 
статистика қўмитаси маълумотлари, диаграмма фотоҳужжатлар, мультимедиа 
материаллари, слайдлар ва ҳ.к. хизмат қилиши мумкин. 
Материалларни бирламчи қайта ишлаш. Ушбу босқичда олинган кўп 
сонли ахборотлардан, кейс-стади мақсадларига мос келувчи, фойдалиси тан-
лаб олинади. Кейс-стадида қўлланиладиган интеграллашган таҳлил, кўп шакл-
ларга эга бўлиши мумкин. У асосан қўшимча маълумотларни тармоқ ҳисобот-
лари, техник ҳужжатлар, компаниялар ҳисоботлари, шахсий тажрибалар ва 
ҳ.к. киритиш ва таҳлил этишдан иборат.