Ф. Жуманова, С. Авазова, Г. Жобборова, У. Хуснетдинов

6. Таълимий дастурларни ишлаб чиқариш билан интеграциялаш, шу 
жумладан, тегишли тармоқларнинг етакчи корхоналарига таълимий хизмат-
ларни тақдим этиш. Бу шуни англатадики, ўқувчи-талабалар маҳсулот ва хиз-
матлар ишлаб чиқариш билан шуғулланувчи шерик корхоналарда таълим 
олиш имкониятига эга бўлади. 
7. Узлуксиз таълим ва мустақил таълим олиш ўқувчи-талабаларнинг 
мустақил таълим олиш қобилияти ва кўникмаларини шакллантиришга, улар-
нинг узлуксиз таълим тизимга қўшилиши ҳамда ўз билими, кўникмаси ва ма-
лакасини доимий оширишга имкон беради. Шунингдек, ўқувчи-талабалар-
нинг амалий лойиҳаларга, ўқув ишларининг жамоавий шаклларига (ҳамкор-
лик, шериклик ва ш.к.) жалб этилишини англатади.
Узлуксиз таълим ва мустақил таълим олишни ташкил этиш вазифалари 
қўшимча норасмий (курслар, тренинглар, қисқа дастурлар, масофавий таълим 
ва ш.к.) ва кундалик таълим (интернет-ресурслар, радио, телеведение, газета-
журнал, кутубхона ва ш.к.) билан ҳам ҳал этилиши мумкин. 
8. Ижодий ўқувчи-талаба шахсини шакллантириш. Бу ўқувчи-тала-
баларда ижодий фаолият тажрибасини шакллантиришга имкон берувчи сама-
рали таълим технологиялари ишлаб чиқилишини тақозо қилади. 
Ўзбекистон Республикаси ва хорижий мамлакатлар маърифий тизими-
нинг ўзига хос хусусиятлари ва ривожланиш тенденциялари қуйидагилардан 
далолат бермоқда: 
1) ижтимоий ва маънавий тараққиётнинг зарурий шарти сифатида аҳо-
лининг илм-маърифатга, яъни маълумотли, ўқимишли бўлишга иштиёқи, қи-
зиқишлари мунтазам ортиб бормоқда; 
2) бепул таълим-тарбия бериладиган давлат маърифий муассасалари 
тармоғи кенгайиб бормоқда; 

---

153 
3) хусусий маърифий муассасаларда пуллик таълим хизматини кўрса-
тиш тенденцияси сақланиб қолмоқда; 
4) давлат бюджети ҳисобидан таълим тизимини молиялаштириш ҳажми 
ошиб бормоқда; 
5) маърифий муассасалар учун турли манбалардан маблағлар тўплан-
моқда; 
6) маърифий муассасаларни ҳудудий бошқариш тамойили кенгаймоқда; 
7) турли йўналишдаги маърифий муассасаларнинг тузилмавий хилма-
хиллиги ортиб бормоқда; 
8) маърифий муассасаларда ўқувчи-талаба томонидан танлаб ўрганила-
диган ўқув фанларга асосий эътибор қаратилмоқда ва ш.к.