Европейский Централный Банк (ецб)

Хитойда амалга оширилаётган стандарт молиявий операциялар 
 
 Стандарт трансакциялар – 
бу тез-тез амалга ошириладиган келишувлар 
бўлиб, савдо ва хизмат кўрсатишдан тушадиган валюта тушумларини, 
маҳсулотлар импорт қилинаётганда валюта ўтказмаларини ва шунга 
ўхшашлардан иборат бўлади. Стандарт операциялар учун зарур валюта, 
корхонани валютани рақами қаерда очилган бўлса, ўша банкдан сотиб олиши 
мумкин.
Экспортдан валюта даромади олгандан ва импортда валюта ўтказмасини 
амалга оширгандан кейин, компаниялар уни мақсадли ишлатилганлигини 
тасдиқлайдиган махсус ҳужжат расмийлаштиришлари керак. 
Хитойда валюта операцияларини асослаш тизими. 
Валюта маблағини ўтказгандан ёки валюта маблағини олгандан кейин 
компаниялар банкга импорт ёки экспорт божхона декларациясини тақдим 
этишлари зарур, шунда улар ўтказма буюртмасига ёки валюта олинишига 
мувофиқ валюталарни мақсадли ишлатилганлигини тасдиқлашадилар. 
Валюта операциялари импорт ёки экспорт амалга оширилгандан кейин 90 
кун ичида асосланиши лозим, махсус вазият (узайтирилган тўловда ёки 
узайтирилган тўлов шаклидаги аккредитив)ларда бу муддат узайтирилиши 
мумкин.
Хитойда капитал ҳаракати билан боғлиқ операциялар. 
 
 Капитал трансакциялар –
халқаро операциялар бўлиб, у тўғридан-тўғри 
инвестициялар билан боғлиқ, қимматли қоғозлар кўринишидаги инвестиция 
билан ва хорижий банклардан кредит ёки хорижий корхоналардан қарз олиш 
билан боғлиқдир. 
Хорижда олинадиган қарзни расмийлаштириш учун валюта назорати 
органига буюртма бериш керак, фақат берилган буюртма тасдиқлангандан 
кейингина ушбу операцияни бошлаш мумкин бўлади. 
Қуйидаги кўринишдаги ташқи заёмлар, регистрация талаб этилишига 
қараб фарқланади: халқаро молия ташкилотлари кредитлари, хорижий 
банкларни кредитлари, хорижий корхоналарни кредитлари, хорижий 
валютада чиқарилган облигациялар, халқаро молиявий лизинг, узайтирилган 
тўловлар. “Ташқи заёмни рўйҳатдан ўтганлиги тўғриси”даги гувоҳномани 
Хитой Давлат валюта назорати Бошқармаси беради. 

---

111 
Хорижий банкдан ёки корхонадан кредит олаётганда қарздор Хитой 
Банкида ташқи заём учун махсус ҳисоб очиши зарур, бунда албатта валюта 
назорати Бошқармасидан тегишли рухсатномага эга бўлишлари шарт. Заёмни 
қайтариш ҳам кредитни қайтариш ва фоизларини тўлаш учун очилган махсус 
ҳисобдан амалга оширилади.