Европейский Централный Банк (ецб)

Хитойда юридик шахслар учун валюта назорати 
 
Хитойда юридик шахсларни валюта операцияларини тартибга солиш, 
худди Ўзбекистондаги сингари Давлат валюта назорати тизими жорий 
этилган. Хитой ҳудудида хорижий валютада тўловларни амалга ошириш 
тақиқланади, аммо юридик ва жисмоний шахслар валюта ҳисобига эга 
бўлиши, валюта билан операциялар ўтказиши, хорижга валюта юбориши ва 
хориждаги контрагентлардан валютада тўловлар олиши мумкин.
Хитойда валюта назорати органи Давлат валюта назорати Бошқармаси ва 
унинг жойлардаги бўлимлари ҳисобланади. 
Хитойда валюта операциялари бўйича қуйидаги ҳуқуқлар мавжуд. 
Импорт-экспорт операциялари билан шуғулланадиган компаниялар 
банкда валюта ҳисобини очишлари мумкин. Шунда ҳар бир хориждан 
олинган пул ёки четга ўтказилган валюта ўзини асосига, яъни шартнома ёки 
инвойсга эга бўлиши шарт. 
Валюта олинаётганда ариза тўлдирилиши талаб этилади, қайсики унда 
ушбу валюта маблағининг нимага сарфланиши кўрсатиб ўтилади (товар, 
хизматлар ва бошқаларга тўланиши мақсади баён этилиши талаб этилади). 
Валюта ҳисоби бўлмаган корхоналар хориждан валюта ўтказмасини 
оладиган бўлса, банклар автоматик равишда валюта маблағини жорий 
расмий курс бўйича уни юанга айлантириб тўлаб беради.
 
Шуни алоҳида қайд этиш лозимки, Хитойда ҳамма банклар ҳам буни 
амалга оширавермайди. Хусусан, Хитой Савдо-саноат Банки валюта ҳисоби 
бўлмаган компанияга валюта ўтказмасини олиб, кўп ҳолатда уни орқага 
қайтариб юборади, шу пайтнинг ўзида Хитой Банки эса у маблағни қабул 
қилади. Шунинг учун энг қулайи барча тўловларни Хитой Банки орқали 
амалга ошириш маъқўлдир, чунки бу банк халқаро бизнес билан боғлиқ 
бўлган операцияларни амалга оширишда тажрибали ҳисобланади. 

---

110 
Валюта операциялари одатий (стандарт) ва капитал ҳаракатига бўлинади. 
Уларнинг асосий тафовути шундан иборатки капитал ҳаракати билан боғлиқ 
операцияларни амалга ошириш учун уни амалга оширишдан олдин 
рухсатнома олиниши зарур ва одатда, бу рухсатномани олиш узоқ вақтни 
талаб этади.