Ёнfин хавфсизлиги

34. Ўқув машғулот ва спорт хоналарига қаратилган хавфсизлик техникаси талаблари /5/
Йўл-йўриқ кўрсатиш хоналари, ўқув синфи ва спорт хоналари шундай ҳисобда жойлаштирилиши керакки, автомобиллар турадиган жойга навбатчи шахсий таркибнинг тез ва ўз вақтида етиб келиши таъминлансин.
Эшиклари икки тавақали бўлиб, йўл-йўриқ кўрсатиш хоналари, ўқув – машғулот ўтказиш ҳамда спорт хоналари ёритиш, тозалик ва соғлиқни сақлаш меъёрига тўғри келмоғи керак. Спорт хонасидан бадиий, ҳужжатли, ўқув фильмларини кўрсатиш учун фойдаланганда хона амалдаги қоида ва меъёрга мос равишда жиҳозланиши шарт.


35. Ёнғин хавфсизлиги хизмати бўлинмалари томонидан қўриқланаётган корхоналарда хизматни ташкил қилиш тартиби /1/
Ҳар бир ўта муҳим ва тоифаланган объектларнинг ёнғин хавфсизлигини таъминловчи бўлинмалар объектнинг ёнғин хавфсизлиги ҳолатини доимий назорат қилиб бориш учун ишлаб чиқариш жараёнини алоҳида хусусиятларини ҳисобга олган ҳолда, соқчилик ҳамда кузатув хизматларини ташкил қилишлари лозим.
Навбатчи смена бошлиғи хизмат ўташ вақтида объект бўйича навбатчи ва бошқа махсус хизматлар билан алоқада бўлиши, улар орқали объектдаги ёнғин хавфсизлиги ҳолатни аниқлаши ва керакли чора-тадбирлар кўриши керак.
Муҳофаза қилинаётган объект бинолари ва иншоотлари ёнғин хавфсизлиги қисми биносидан 1 км ва ундан ортиқ масофада жойлашган бўлса, тунги вақтда ёки объектдаги ёнғин хавфсизлиги ҳолатига қараб йўлланма бўйича хизмат ўташга жанговар ҳисобни ёнғин ўчириш автомобилида юборишга рухсат этилади, бунда МДХ ёки ҚДХ билан доимий ва мустаҳкам алоқа боғланган бўлиши керак.
Ёнғин ўчириш техникаси бўлмаган ёнғин хавфсизлиги қисмлари муҳофаза қилинаётган объектларни доимий назорат қилишни навбатчи инспекторлар томонидан амалга оширадилар. Навбатчи инспекторлар гуруҳига қисм бошлиғи масъул ходим тайинлайди, у ушбу Низомнинг хизматни ташкил қилиш бўйича тегишли бандлари талабларини бажарилишини таъминлайди.
Навбатчи инспекторлар гуруҳи жанговар кийим, асбоб-анжомлар, алоқа воситалари билан тўлиқ таъминланган бўлишлари керак. Ҳимояловчи газниқобларда ишлашга рухсат этилганлар эса, нафас олиш органларини ҳимоялаш воситалари билан таъминланишлари лозим.
Ёнғин хавфсизлиги қисми шахсий таркибининг иш фаолияти хизмат китобига қайд қилиб борилади (11-илова).