Ёнfин хавфсизлиги

30. Ўқув ва кузатиш минорасига қаратилган хавфсизлик техникаси талаблари /5/
Ўқув минораси ёнғин хавфсизлиги қисми биносига қўшиб ёки қисм ҳудудида махсус жиҳозланган майдонга қурилади. Қисм биносига қўшиб қурилган минора бинонинг ёнғинга чидаш қобилияти даражасига лойиқ бўлиб, унга кириш жойи алоҳида бўлади.
Ўқув миноралари қуйидаги талабларга жавоб бериши керак:
а) тўрт қаватли, деразалар икки қатордан кам эмас, сатҳнининг юзаси тахталар билан қопланади ва унда:
-ҳар бир қаватда ўлчами 1,1х1,87 м. бўлган икки ва ундан ортиқ юқори палласи ўрнатилмаган дераза ўринлари;
-деразадан девор четигача 65 см дан кам бўлмаган масофа;
-оралиқ деворнинг кенглиги 60 см дан кам бўлмаслиги, дераза токчасининг кенглиги-40 см ( 2см), полдан дераза токчасигача бўлган баландлик-80 см, ер сатҳидан 2 қаватнинг дераза тагчасигача бўлган баландлик 4,25 м, 2,3 ва 4 қаватлардаги дераза токчалари орасидаги масофа-3,3 м. бўлиши шарт;
-2,3,4 қаватлардаги дераза тагчалари минора сатҳи юзасидан 3 см чиқиб туриши лозим, 2 қаватдаги дераза токчасининг юза қисмига бир қатлам резиналанган мато қоқилади.
Ўқув минорасининг олд томонида дераза ўринларидан ташқари тешиклар ва бўртиқ қисмлар (дераза токчаларидан ва миноранинг пастки қисмидаги чекловчи тўсиндан ташқари) бўлмаслиги лозим. Миноранинг пастки қисмида, ишғол қилиш нарвонининг учинчи поғонаси даражасидан 1-2 см пастки кесими 6х6 см бўлган тўсин қоқилади. Иккинчи қават деразаси остидан ергача сатҳ қисми тунука ёки резина билан қопланади.
Ўқув минорасида қуритиш учун осиб қўйилган енглардан ташқари, ускуналар ва ҳар хил буюмлар сақлаш тақиқланади.
Ўқув минорасининг олд томонидаги ерда қалинлиги 1м. дан кам бўлмаган эҳтиёт таглик ўрнатилади.
Эҳтиёт таглик миноранинг ўлчамидан камида 1м га чиқиб туриши керак. Тагликнинг 0,5 қалинликдаги шох-шаббалар ёки бошқа қайишувчан нарсалардан тузилган асосига қум ва ёғоч қириндилардан (1:1) тузилган аралашма 0,5 м қалинликда тўкилади. Ўқув минорасида машғулот ўтилганда эҳтиёт тагликнинг юқори қатлами юмшатилган бўлиши шарт. Эҳтиёт таглик ҳар икки йилда янгиланади.
100 метрлик тўсиқли йўлакдан ўтиш машғулоти учун майдон, унда асбоб-аслаҳаларни жойлаштириш ва уларнинг ўлчамлари ёнғин ўчириш амалий спорти бўйича мусобақалар ўтказиш қоидаларига асосланган бўлиши керак. Майдон исталган тупроқ, резина, битум, асфалт) қатламли ёки қопламали бўлиши мумкин, йўлакларда тахта қоплама ётқизишга рухсат этилмайди.