Ёнfин хавфсизлиги

32. Иссиқ тутунхоналарга қаратилган хавфсизлик техникаси талаблари /5/
Иссиқ тутунхона алоҳида турган бинода жойлаштирилади ва икки томонига эшик ўрнатилади. Сўриб олувчи ва чиқарувчи шамоллатиш мосламаси, газ-тутундан ҳимояланган хизматчиларни кузатиш автоматикаси ва ёнғин омилларини тақлидловчи мосламалар билан жиҳозланади.
Тутунхонани тутун билан тўлдириш учун ёғоч чиқиндиларидан фойдаланилади, тутун чўкмаслиги учун эса унга канифол қўшилади.
Нефт маҳсулотлари, кўп хилли кимёвий моддалардан тайёрланган ёнувчан маҳсулотларни қўллаш тақиқланади. Иссиқ тутунхона қуйидаги хоналардан ташкил топади:
а) ички деворлари ўзгартирилувчан хона;
б) қийинчилик ва температура даражаларини яратиш учун жиҳоз ва мосламалар тўплами бўлган иссиқтутунхона;
в) бошқарув тармоқ хонаси;
г) ажратувчи газниқобларнинг жанговар текширувини ўтказиш ва уларни кийиш учун олд бўлма;
д) хавфсизлик пости;
е) тиббиёт пости;
ж) чўмилиш ва ювиш хоналари;
з) санитария қисми;
и) тоза ҳавода машғулот ўтиш учун жиҳозлар ўрнатилган майдон.
Ички деворлар ва поллар ёнмас материаллардан бажарилиши шарт. Эшик ўринларида, деворлар ва бошқа тузилмаларда бўртиқ ўткир қисмлар бўлмаслиги керак. Эшиклар хоналардан ташқарига очилиши керак.
Бошқарув тармоғи электрлаштирилган режа, ҳаво тозалаш қурилмаси ва ёритгичларни қўшиш тугмачалари, иссиқлик ўлчамини назорат қилиш асбоби билан жиҳозланади. Иссиқтутунхонада машғулот ўтиш вақтида шахсий таркиб бўлиши мумкин бўлган барча хоналар, ҳаво тозалаш қурилмасини улаш тугмалари билан жиҳозланади. Шахсий таркибининг ҳолатини назорат қилиш учун бошқарув тармоқ хонасида ўлчами 1х1м дан кам бўлмаган дераза ўрнатилиши шарт.
Машғулотлар ўтказиш вақтида уларнинг раҳбари газ-тутундан ҳимоялаш хизмати Низомига амал қилиши керак ва тутунли муҳитда машқ ўтказишдан олдин:
а) шахсий таркибнинг саломатлик ҳолатини текшириши;
б) машқни эълон қилиши, машқ бажаришда хавфсизлик техникасига диққатларини алоҳида қаратиб, вазифа қўйиши;
в) эшиклардан қулфларни ечиши;
г) чиқиш ёритгичларини ёқиши, ҳаво температурасини, (тутунхона 40⁰С, иссиқтутунхона учун 50⁰С), радиокарнайли алоқанинг, хабарловчининг, сўриб ҳаво тозаловчи қурилмаларининг ҳолатини текшириши мажбурийдир.