Ёнfин хавфсизлиги

44. Катта ва мураккаб ёнғин ўчириш таянч маскани бошлиғи ва ўринбосарининг хизмат вазифалари /3/
Таянч маскани бошлиғи.
Таянч маскани бошлиғи – таянч масканининг ҳамма шахсий таркибига бевосита раҳбар ҳисобланади:
-шахсий таркибни қабул қилиш ва жойлаштиришга, жанговарлигига, маънавий ҳолатига, тарбия ва ҳарбий интизомига шахсан жавоб беради;
-ёнғин хавфсизлиги бўлинмаларини жанговарлигини ошириш мақсадида чорак ва ойлик иш режалари ишлаб чиқади ва кўрсатилган тадбирларни амалга ошириш бўйича чоралар кўради;
-хизмат тайёргарлиги системасида ўрта ва кичик бошлиқлар таркиби билан раҳбарлик ҳужжатлари, хизматга тайёргарлик, ёнғин ўчириш бўйича кўрсатмаларни ўрганишни ташкил қилади;
-таянч маскани тезкорлик хизмат ҳужжатларини тузади ва ўз вақтида тузатиш киритиб боради;
-маъмурий чегара, туманлар, йўллар, табиий сув хўжалиги, бор ёнғин ўчириш техникаси ва аҳоли яшайдиган жойлардаги бориш йўналишларини кўрсатадиган харита тайёрлайди;
-алоҳида муҳим корхоналарга ёнғин ўчириш тезкорлик режаларини тайёрлайди;
-таянч маскани жанговарлигини ошириш ва уни техник жиҳозлаш бўйича тадбирлар ишлаб чиқади;
-таянч маскани шахсий таркиби билан ҳар чоракда камида бир марта таянч ҳудудига кирган шаҳар ва туманларни тезкорлик ва тактик ўрганиш бўйича машғулот ўтказади: асосий транспорт магистраллари халқ хўжалигининг муҳим корхоналари, сув хўжалиги манбалари ва шу кабилар;
-ёнғин ҳалокати ва табиий офат бўлган жойга шахсан боради ва таянч маскани ишига раҳбарлик қилади;
-таянч маскани хизмат ҳужжатларини олиб борилишини ва сақланишини назорат қилади.
Таянч маскани бошлиғининг ўринбосари.
-шахсий таркибнинг хизмат ҳолати, жанговар тайёргарлиги, тарбияси ва оммавий спорт ишларига шахсан жавоб беради;
-таянч маскани хизмат ҳудудида ёнғинга қарши сув таъминоти, алоқа ва йўлларни яхшилаш тўғрисида тадбирлар ишлаб чиқади;
-таянч маскани шахсий таркиб орасида тарбия ишлари ҳамда ёнғинда, фалокат, табиий офат ва машғулотда навбатчи смена ишларини таҳлил қилади;
-таянч маскани хизмат ҳудудида ёнғин ўчиришни яхшилаш бўйича тадбирлар ишлаб чиқади;
-таянч масканининг газ ва тутундан ҳимоялаш хизмати ҳолати учун жавоб беради. Шахсий таркибни кислородли ажратгич газ ниқобда ишлаш учун тайёргарлигини ташкил қилади;
-ёнғин ўчириш автомобилларининг техник ҳолати ёнғин ўчириш техник асбоб ускуналари ва алоқа воситалари учун жавоб беради;
-таянч маскани ҳужжатларини ишлаб чиқади ва ўз вақтида тузатиш киритади;
-таянч маскани хизматдан ташқари бўш шахсий таркибни йиғиш ва жанговар ҳисобни тўлдириш учун жавобгар бўлади.