Ёнfин хавфсизлиги

28. Ёнғин ўчириш автомобилларига техник хизмат кўрсатиш жойига қаратилган хавфсизлик техникаси талаблари /5/
Ёнғин ўчириш автомобилларига техник хизмат кўрсатиш жойида устахона, ҳаракат хавфсизлиги, меҳнат муҳофазаси ва техника хавфсизлиги хоналари, кўрик ўтказиш зовури, ёқилғи қуйиш жойи ва ёқилғи-мой маҳсулотлари омбори бўлиши керак. Техник хизмат кўрсатиш жойининг деворлари сопол тахтачалар билан қопланади, ускуналар эса меҳнат хавфсизлиги намуналари тизимининг талабларига асосан бўялади.
а) техник хизмат кўрсатиш жойи:
-аккумуляторларни тўйинтиришда қўлланиладиган сўриб чиқарувчи жавон;
-таянч мослама ва муҳофаза қалқони билан жиҳозланган чархлаш дастгоҳи;
-пармалаш дастгоҳи;
-кўчма лампалар учун ғалтакли электрсим;
-асбоб-ускуналар, эҳтиёт қисмлар ва фойдаланиш маҳсулотлари учун жавон;
-тоза ва ифлос латталар учун металл қутилар;
-сим тўр парда билан жиҳозланган ва исканжа ўрнатилган тунукасозлик дастгоҳи;
-ускуналарда ва электролитлар билан ишлаш учун муҳофаза кўзойнаклари, резина қўлқоплар, этиклар, брезент этаклар;
-электророзеткалар билан жиҳозланади.
б) техник хизмат кўрсатиш жойида:
-ҳар бир ускунада ишлашда хавфсизлик техникаси бўйича қўлланма;
-дастгоҳларда ишлаш учун шахсларга рухсатнома тўғрисида (хавфсизлик техникаси бўйича имтиҳон топширганларидан сўнг) қисм бошлиғининг буйруғи ва уларнинг рўйхати бўлиши шарт.
Устахона ёнғин ўчириш автомобилидан фойдаланиш қўлланмасидаги намунали рўйхатга асосан асбоб-ускуналар ва мосламалар билан тўлдириб қўйилади.


29. Ёнғин хавфсизлиги гарнизонининг марказий диспетчерлик хизмати ва қисм диспетчерлик хизмати хоналарига қаратилган хавфсизлик техникаси талаблари /4 /
Ёнғин хавфсизлиги қисмининг диспетчерлик хизмати хонаси автомобиллар сақланадиган жойдан чиқиш йўналиши бўйича ўнг томонда жойлаштирилади. Автомобиллар сақланадиган жой билан чегарадош деворда, чиқишга йўлланма бериш учун ўлчами 1х1 м дан бўлмаган дераза ўрнатилади.
Ёнғин хавфсизлиги гарнизонининг марказий алоқа маскани ва қисм алоқа тармоғи хоналарининг шип ва деворларига товуш ютувчи қоплама ўрнатилади. Алоқа тармоғи хонасида навбатчи алоқачилар учун дам олиш хонаси бўлиши керак
Радиостанция ва унинг пультларининг симлари ерга уланган бўлиши шарт.
МДХ ва ҚДХ хоналарини сунъий ва табиий ёруғлик билан таъминлаш кўзда тутилган бўлиши керак. Диспетчернинг иш жойи люминесцентли лампалар учун 400 лк дан кам бўлмаган ва чўғлик лампалар учун 100 лк дан кам бўлмаган ёруғлик билан таъминланган бўлиши керак.
Марказий диспетчерлик хизмати хонасининг кўринадиган жойларида хавфсизлик техникаси ва ёнғин хавфсизлигига жавобгар шахсларнинг исми, фамилияси ёзилган жадвал ва хавфсизлик техникаси қўлланмаси осиб қўйилган бўлиши зарур.