Ёнfин хавфсизлиги

33. Ёнғинларни ўчиришни машқ қилиш майдони ва руҳий тайёргарликнинг оловли йўлакчаларга қаратилган хавфсизлик техникаси талаблари /5/
Ёнғин хавфсизлиги хизмати шахсий таркибининг машқ қилиш майдонларида ва оловли йўлакчаларда руҳий тайёргарлик машғулотлари, ёнғин ўчиришда вужудга келадиган шароитларга яқин ҳолатларда ўтилади.
Машқ майдонларида ва оловли йўлакчалардаги машғулотларга бошланғич тайёргарлик ҳажмида таълим олган ва имтиҳон топширган шахслар қўйилади.
Шахсий таркиб барча турдаги машқларни жанговар кийимда ва анжомларда , алоҳида ҳолларда эса–иссиқ қайтаргич камзулларда ва айирма газниқобларда бажаради.
Машғулот раҳбари этиб катта амалий бошлиқ тайинланади ва у машғулотини бошлашдан олдин:
а) шахсий таркибга жиҳозларда машқларни бажариш тартиби ҳақида йўл-йўриқ кўрсатиши;
б) одамларга хавф-хатарни билдирувчи ягона хабарловчи ўрнатиши;
в) таълим олувчиларнинг саломатлик ҳолатини сўраши;
г) машқ майдонидаги технологик ускуналарнинг ва оловли йўлакчадаги жиҳозларнинг созлигини текшириши мажбурийдир.
Ёнғин рўй бераётганини ўхшатиш учун, заҳарсиз ёнғиндан хавфли суюқликларни қўллашга рухсат этилади. Ёниш ва туташ воситалари сифатида ёнувчи суюқлик сингдирилган латталар, увадалар ва бошқа чиқиндилардан фойдаланилади. Суюқликларни шахсий таркибнинг ҳаракат йўлларига оқиб кетишига йўл қўймаслик шарт.
Шароитни назорат қилиш ва шикастланганларга шошилинч ёрдам кўрсатиш учун жанговар участкаларда хавфсизлик таянчи тайинланади, сув йўналтириш енгликлари ишчи босим остида сув билан тўлдирилади.
Шахсий таркиб оловли ва юқори температурали зоналарни тезлик билан, бир-бирини кўздан йўқотмасдан, чуқур нафас олмасдан ўтиши зарур, гуруҳнинг энг охирида бўлинма сардори ўтади.
Руҳий тайёргарликнинг оловли йўлакчалари, жиҳозларнинг ўлчамлари ва уларни йўлакчаларда жойлашишини руҳий тайёргарликнинг намунавий оловли йўлакчалари талабларига жавоб бериши керак.
Машқ майдонларида ва руҳий тайёргарликнинг оловли йўлакчаларида тунги вақтда машғулот ўтиш тақиқланади.