Электр таъминоти ва электр тармоšлари

Кучланиши 1000 В дан юқори электр узатиш ҳаво линиялари

1.8.40. Электр узатиш ҳаво линиялари Қоидаларнинг мазкур бандида келтирилган ҳажмда синаладилар.

1.Изоляторларни текшириш. Мазкур Қоидаларнинг 1.8.34 - бандига мувофиқ амалга оширилади.
2. Симларнинг уланишларини текшириш. Уни ташқи кўрикдан ўтказиш ва кучланишни пасайишини ёки қаршилигини ўлчаш орқали амалга ошириш лозим.
Симларнинг прессланган уланиши бракка чиқарилади, агар:
- пўлат ўзак носимметрик жойлаштрилган бўлса;
- геометрик ўлчовлари (узунлиги ва прессланган қисмини диаметри) ушбу турдаги бириктирувчи қисқичларнинг монтажи бўйича йўриқнома талабларига мос келмаса;
- бириктиргичнинг ёки қисқичнинг сиртида дарз, анчагина занглаш ва механик шикастланишлар излари мавжуд бўлса;
- бириктирилган участкадаги (бириктиргичдаги) кучланиш пасайиши ёки қаршилик, шу узунликдаги сим оралигидаги кучланиш пасайишидан ёки қаршилигидан 1,2 мартадан кўп ортиб кетса; синов танлов асосида бириктиргичларнинг 5—10% ида амалга оширилади;
- прессланган бириктиргичнинг эгрилиги, унинг узунлигидан 3% дан ортса;
- прессланган бириктиргичнинг пўлат ўзаги носимметрик жойлашган бўлса.
Пайвандланган бириктиришлар бракка чиқарилади, агар:
- ташқи симнинг ўта куйиши содир бўлганда ёки уланган симларнинг ўта эгилишида пайвандлашнинг бузилиши аниқланганда;
- пайвандлаш жойидаги киришиш чуқурчаси сим диаметрининг 1/3 идан ортиқ чуқурликка эга бўлса, кесим юзаси 150—600 мм² бўлган пўлат-алюминийли симлар учун - 6 мм дан катта бўлса;
- кучланиш пасайиши ёки қаршилик шу узунликдаги ўтказгичдаги кучланиш пасайишидан ёки қаршилигидан 1,2 мартадан кўп ортиб кетса.
3. Таянчларнинг, уларнинг тортқиларини ва тросларни ерга улаш қаршилигини ўлчаш мазкур Қоидаларнинг 1.8.38 - бандига мувофиқ амалга оширилади.
Электр қурилмаларнинг
тузилиши қоидаларига
1-илова

1.3.1. - жадвал