Электр таъминоти ва электр тармоšлари

Осма ва таянч чинни изоляторлар

1.8.34. Осма ва таянч чинни изоляторлар Қоидаларнинг мазкур бандида келтирилган ҳажмда синовдан ўтказиладилар.

Таянч-стерженли изоляторлар учун саноат частотасидаги юқори кучланиш билан синовлар ўтказиш мажбурий эмас. Шиша осма изоляторларнинг электр синови ўтказилмайди. Уларнинг ҳолатини текшириш, ташқи кўрик орқали амалга оширилади.
1. Осма ва кўп элементли изоляторларнинг изоляция қаршилигини ўлчаш. Атроф ҳавонинг фақат мусбат ҳароратларида кучланиши 2,5 кВ бўлган мегаомметр билан амалга оширилади. Изоляторларни текширишни уларни бевосита тақсимловчи қурилма ва электр узатиш линиясига ўрнатилишидан олдин амалга ошириш лозим. Ҳар бир осма изоляторлар ёки штирли изоляторлар ҳар бир элементининг изоляция қаршилиги 300 МОм дан кичик бўлмаслиги керак.
2. Саноат частотасидаги юқори кучланиш билан синовдан ўтказиш:
а) бир элементли таянч изоляторларини. Ташқарига ва ичкарига ўрнатиладиган бундай изоляторлар учун синов кучланиши 1.8.37–жадвалда (мазкур Қоидаларга 4-илова) келтирилган.
Меъёрланган синов кучланишини бериб туриш давомийлиги—1 дақиқа;
б) кўп элементли таянч ва осма изоляторларни. Янгидан ўрнатилаётган штирли ва осма изоляторларни, ҳар бир элементи бериб кўриладиган, 50 кВ кучланиш билан синовдан ўтказиш лозим.
Меъёрланган синов кучланишини бериб туриш давомийлиги асосий изоляцияси қаттиқ органик материалдан бўлган изоляторлар учун 5 дақиқа, керамик изоляторлар учун – 1 дақиқа.


Трансформатор мойи

1.8.35. Трансформатор мойи ускуна монтаж қилинаётган жойда Қоидаларнинг мазкур бандида келтирилган ҳажмда синалади.

1. Мойни ускунага қўйишдан аввал тахлил қилиш. Заводдан келтирилган янги трансформатор мойининг хар бир партияси ускунага қуйилишдан аввал 1.8.38-жадвалнинг (мазкур Қоидаларга 4-илова) 3-бандидан ташқари кўрсатгичлари бўйича бир маротаба синовдан ўтказилади. Синовларнинг натижалари 1.8.38- жадвалда келтирилганлардан ёмон бўлмаслиги керак.
1.8.38 - жадвалда келтирилмаган техник шартлар бўйича тайёрланган мойлар ушбу жадвалдаги кўрсаткичлар бўйича синовдан ўтказилишлари лозим, аммо синовлар меъёрлари ушбу мойларга бўлган техник шартларга мувофиқ қабул қилиниши лозим.
2. Ускунани ишга туширишдан олдин мойнинг таҳлил қилиниши. Монтаж қилингандан сўнг ускунага кучланиш беришдан олдин ундан олинган мой 1.8.38 -жадвалнинг 1-6 – бандларида кўзда тутилган ҳажмда қисқартирилган тахлил қилинади таҳлил қилинади, 110 кВ ва ундан юқори бўлган ускуналар эса, юқорида кўрсатилганлардан ташқари, 1.8.38 – жадвалнинг 12-банди бўйича ҳам таҳлил қилинади.
3. Аппаратлардаги мой аралаштирилганда, уни барқарорликка текшириш.
Аппаратларга турли маркадаги янги кондицион мойлар солинганда, аралашма аралашиш пропорциялари барқарорлигига текширилади. Бунда аралашма барқарорлиги, аралашмадаги энг кичик барқарорликка эга мойнинг барқарорлигидан ёмон бўлмаслиги лозим. Мойлар қоришмаси бароқарорлигини текшириш, фақатгина ингибирланган ва ингибирланмаган мойлар аралаштирилганда амалга оширилади.