Электр кимёвий анализ усуллари электродлар устида ёки

Хронопотенциометрия тўғри бурчакли ток импульсининг бир импульсли усули бўлиб, унда томчилайдиган симоб электродига токнинг қисқа импульси томчининг узилиши олдидан берилади. Олдин электроднинг потенциали кескин (23.15-чизма) ўзгаради (қўш электр қаватининг зарядланиши), сўнгра потенциалнинг ўзгариши токнинг электр кимёвий реакцияга сарфланиши туфайли секинлашади. Электрод олди қаватидаги деполяризаторнинг зарядсизланишидан кейин потенциал яна кескин ортади. Деполяризаторнинг тўлиқ зарядсизланиши учун кетган вақт ўтиш вақти деб аталади ва у Сенд тенгламаси ёрдамида қуйидагича ифодаланади: τ1/2=(πD)1/2nFc. Хронопотенциометрия таҳлилий мақсадларда кам қўлланилади, чунки бу усул мураккаб асбоблар ишлатишни талаб этади, аралашмаларни аниқлашга эса кўп вақт кетади. Хронопотенциометриянинг айрим афзалликлари ҳам бор. Баъзи моддаларни таҳлил қилиш учун бир неча сек вақт талаб қилинади холос. Бу усул, асосан, анод соҳасини текшириш учун қўлланилади, чунки бу соҳада симоб оксидланади.
Xronopotensiometriya usulining mohiyatini, sifatiy va miqdoriy qiymatlarini, usulning qo’llanilishini tushuntiring. O’tish vaqti nima va u qanday ifodalanadi? (Xronopotensiometriya, vaqt, diffusion tok)
106	Амперометрик титрлаш вольтамперометриянинг титриметрик кўриниши бўлиб, унда титрлашнинг охирги нуқтасини топиш учун титрлаш давомида ўзгарадиган тўйинган диффузион ток ўлчанади. Тўйинган диффузион ток билан концентрация орасида Id=kc боғланиш борлиги олдин кўрсатилган эди.Амперометрик титрлашнинг Я.Гейровский томонидан тавсия этилган (1927 й.) дастлабки кўринишида аниқланадиган моддани титрлаш давомида титрантнинг ҳар бир улушини қўшгандан кейин эритманинг полярограммаси алоҳида-алоҳида кетма-кет туширилади ва шу асосда титрлаш эгри чизиғи чизилиб титрантнинг ҳажми аниқланади. Титрлашнинг охирги нуқтасини бундай топиш анча кўп вақтни талаб этади. Шунинг учун Мейер (1936 й.) амперометрик титрлаш тартибига ўзгартириш киритди. У деполяризатор концентрациясининг диффузион токка мутаносиблигидан фойдаланди. Электродга деполяризаторнинг диффузион токи соҳасига тўғри келадиган тегишли ўзгармас потенциал берилса, концентрациянинг ўзгариши диффузион ток ўзгаришига мутаносиб бўлади. Демак, диффузион ток қийматини титрлашнинг ҳар бир нуқтасида қайд қилиб, титрлашнинг охирги нуқтасини топиш мумкин.	Amperometrik titrlash usuli nimaga asoslangan? Uning qanday ko’rinishlari bor? (amperometriya, amperometrik titrlash, titrlash, tok kuchi, ionning aktivligi, titrlash egrisi)
107	Битта индикатор электродли амперометрик титрлашда қўшилган титрантнинг миқдорига мос равишда ўзгарадиган тўйинган диффузион ток кучи ўлчанади. Электродларга (қутбланган ва қутбланмаган) бериладиган потенциалнинг қиймати деполяризаторнинг диффузион ток соҳасига мос келиши керак. Индикатор электроди сифатида томчиловчи симоб электроди ишлатилса, диффузион ток Илькович тенгламаси билан ифодаланади. Қаттиқ турғун электрод учун тўйинган диффузион ток қуйидаги ўзгартирилган тенглама билан ифодаланади:Id=nFDc/ δ	Bitta indikator elektrodli amperometrik titrlash usulida qanday elektrodlar ishlatiladi? (indikator elektrodi, platina, oltin, kumush xloridli taqqoslash elektrodi)
108	Томчилайдиган симоб электроди бир қатор афзалликларга эга. Биринчидан, унда водород ионидан водород гази ҳосил бўлади, натижада кучланиш ҳаддан ташқари ортади. Бу эса бир қатор катионларнинг кислотали эритмаларда қайтарилишини ўрганиш имконини беради. Иккинчидан, электроднинг сирти доимо янгиланиб туради, бу полярограммаларнинг қайта такрорланувчанлик даражаси юқори бўлишини таъминлайди, яъни такрор туширилган полярограммалар бир-бирининг айнан устига тушади. Электроднинг сиртини тозалаш талаб этилмайди. Электрод сиртидаги адсорбцион ҳодисалар полярограммаларнинг такрорланувчанлигига таъсир этмайди. Учинчидан, берилган кучланишнинг исталган қийматида ўртача ток жуда тез ҳосил бўлади. Симоб электродининг камчилиги сифатида қуйидагиларни кўрсатиш мумкин: Биринчидан, симоб +0,3÷0,4 В потенциалдан юқори қийматларда оксидланиб, симоб (I) ионини ҳосил қилади. Бунинг натижасида ҳосил бўлган ток бошқа моддаларнинг токини ниқоблайди. Шунинг учун симоб электроди фақат катод потенциали соҳасидагина ишлатилади. Иккинчидан, томчилайдиган симоб электроди капиллярнинг ифлосланиши натижасида тез-тез ишдан чиқиб туради. Учинчидан, симоб газлари заҳарлидир.	Tomchilaydigan simob elektrodining afzallik va kamchiliklari? (tomchining yashash davri, kapillyar kattaligi)
109	Агар қайтар система (масалан, I2↔2I–) қайтмас система (масалан, S2O32–) билан титрланса, эгри чизиқнинг кўриниши келтирилган шаклдай бўлади. Қайтмас система қайтар система билан (масалан, тиосульфат йод билан) титрланса, эквивалентлик нуқтасигача ток доимий бўлиб, ундан кейин қайтар модда миқдорининг кўпайиши билан ток кучи ҳам ортади Агар ҳар иккала система ҳам қайтмас бўлса, титрлаш эгри чизиғида синиш бўлиши учун электродларга нисбатан катта кучланиш берилади, бунда эгри чизиқ V-симон шаклга эга бўлади.	Amperometrik titrlashda tok kuchi qiymatiga qanday omillar ta’sir ko’rsatadi? (tok kuchi, aralashtirish tezligi elektrod, ampermetr, titrant)
110