Экология ҳуқуқи предмети, методи ва тизими

Экологик-ҳуқуқий жавобгарлик

Фаннинг ушбу мавзусида талабага экологик-ҳуқуқий жавобгарлик тушунчаси ва хусусиятлари, экологик-ҳуқуқий жавобгарлик тизими, интизомий жавобгарлик, экологик қонунчиликни бузганлик учун маъмурий жавобгарлик, маъмурий жавобгарлик самарадорлигини ошириш йўллари, экологик ҳуқуқбузарликларнинг олдини олишда профилҳужжатик чора-тадбирлар, экология қонунчилигини бузганлик учун жиноий жавобгарлик, атроф табиий муҳитга зарар етказганлик учун фуқаролик-ҳуқуқий жавобгарлик, экологик-ҳуқуқий жавобгарлик самарадорлигини ошириш муаммолари, суд – ҳуқуқ тизимини либераллаштириш шароитида ҳуқуқни муҳофаза қилувчи органларнинг экологик ҳуқуқбузарликларга қарши курашдаги вазифалари, экологик таълим ва тарбия тизимининг ташкилий-ҳуқуқий масалалари каби маълумот етказилади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.


1-масала
“ЭКОСТАР” қўшма корхонаси кейинчалик маълум бўлишича, тегишли рухсатномасиз Угам-Чотқол миллий боғи ҳудудида корхона ходимлари дам олиши учун мўлжалланган туристик мажмуа қуради.
Миллий боғ маъмурияти Тошкент вилояти прокуратурасига расмий хат билан мурожаат этиб, ўзбошимчалик билан бино қурган корхона маъмуриятига нисбатан чора кўришни сўраган.
– Ерларни ўзбошимчалик билан ўзлаштириш ва ўзбошимчалик билан бино қуриш ҳуқуқбузарликнинг қайси турига (ер ёки экологик) мансуб?
– Ушбу ҳолатда қандай жавобгарлик чоралари кўрилиши мумкин?


2-масала
Тошкент шаҳар табиатни муҳофаза қилиш қўмитаси қарори билан “ГЛОБАЛСТРОЙ” корхонаси директорига Ўзбекистон Республикаси Маъмурий жавобгарлик тўғрисидаги кодексида белгиланган атроф табиий муҳит сифати нормативлари ва стандартларини бузганлик учун 50.000 сўм миқдорида жарима солинди.
“ГЛОБАЛСТРОЙ” корхонаси директори хўжалик судига мурожаат этди.
– Ишни ниҳоясига етказинг.
– Юридик нуқтаи назардан “ГЛОБАЛСТРОЙ” корхонаси ва Тошкент шаҳар табиатни муҳофаза қилиш қўмитаси ҳаракатларини баҳоланг.