Экология ҳуқуқи предмети, методи ва тизими

3-масала
Фуқаро Н. шаҳар ҳайвонот боғидаги оққушни тутиб олди ва ҳайвонот боғи ҳудудидан олиб чиқмоқчи булди. Ҳайвонот боғи қоровули бу ҳолатни кўриб фуқаро Н.томонга қараб ўқ узди. Натижада ўқ фуқаро Н.нинг қулидаги қушга тегди ва қуш нобуд бўлди.
– Қоровулнинг ҳаракатларига юридик тавсиф беринг?


4-масала
Фуқаролар Ш. ва В. балиқчилик хўжалиги сув ҳавзасидан ҳаваскорлик йўли билан балиқ овладилар. Бу ҳолатни кўрган балиқлиқчилик хўжалигининг қоровули дарҳол балиқчилик хўжалигининг бошлиғига мурожаат қилди. Балиқчилик хўжалиги бошлиғи Фуқаролар Ш. ва В.ларнинг ноқонуний балиқ овлаганлиги учун жавобгарликка тортиш тўғрисида қарор қабул қилди.
– Балиқчилик хўжалиги бошлиғининг ҳаракатларига баҳо беринг?
– Фуқаро Ш.ва В ларнинг ҳаракатларига ҳуқуқбузарликнинг аломатлари борми, агар ҳуқуқбузарлик содир этилган бўлса, ҳуқуқбузарликга нисбатан қандай жазо чораси белгиланиши керак?


5-масала
Қувайт Республикаси фуқароси Ал-бахди Варбехийн, Тошкент вилоятининг тоғли ҳудудида (ўрмонда) ов қилишга рухсатномаси бўлмай туриб, бир кийикни отиб қўйди.
– Қувайт Республикаси фуқароси Ал-бахди Варбехийн ҳаракатида қонун бузилиши аломатлари мавжудми?
– агар мавжуд бўлса бу ҳолда у қандай жавобгарликка тортилади?
– Кийик гўшти тақдири қандай кечади?


6-масала
Имтиҳон вақтида талабалардан бири “экологик-ҳуқуқий жавобгарлик” ҳамда “экологик ҳуқуқбузарлик” тушунчаларини чалкаштириб юборади.
– “Экологик-ҳуқуқий жавобгарлик” ва “экологик ҳуқуқбузарлик” тушунчаларига таъриф беринг.
– Экологик-ҳуқуқий жавобгарлик турларини санаб беринг ва уларга қисқача таъриф беринг.


7-масала
Сурхондарё вилояти табиатни муҳофаза қилиш қўмитасининг ер ресурслари бўйича давлат инспектори З. фермер хўжалиги ҳудудида заҳарли агрохимикатлар билан заҳарланган тупроқли участкани ҳамда унда тупроқнинг унумдор қатлами йўқлигини аниқлайди, шунингдек, ушбу майдонда 5 та ҳалок бўлган тустовуқни топади.
– Давлат инспектори қандай йўл тутиши лозим?
– Инспектор қайси норматив-ҳуқуқий ҳужжатларга асосан ҳаракат қилиши керак?
– Давлат инспектори экологик қонунчиликни бузганлик учун ҳуқуқбузарни қандай жавобгарликка тортиши лозим?


8-масала
Тошкент вилояти табиатни муҳофаза қилиш қўмитаси давлат инспекторлари В. ва З. текширув жараёнида тоғда иккита қуролланган овчилар билан тўқнаш келишди. Ҳужжатларни текширишда уларда ов қуролига нисбатан тасдиқловчи рухсатнома йўқлиги аниқланди. Бироқ у прокуратура органи ходими бўлиб чиқди.
– Давлат инспектори қандай йўл тутиши керак?