Экология ҳуқуқи предмети, методи ва тизими

4-масала
“ГИДРО-ТАР-ЛОК” қўшма корхонаси сувдан фойдаланганлиги учун қонунда белгиланган тартибда солиқ тўлаши лозим бўлган. Солиқ инспекцияси ходими келиб, “ГИДРО-ТАР-ЛОК” қўшма корхонаси тўлаши лозим бўлган суммани кўрсатиб, огоҳлантириш хати бериб кетади.
“ГИДРО-ТАР-ЛОК” қўшма корхонаси солиқ инспекциясига жавобан, амалдаги қонунчиликка кўра солиқдан озод этилганлигини маълум қилган.
Солиқ инспекцияси “ГИДРО-ТАР-ЛОК” қўшма корхонасига нисбатан хўжалик судига даъво аризаси киритган.
– Суд мазкур ҳолатда қандай қарор қабул қилиши керак?
– “ГИДРО-ТАР-ЛОК” қўшма корхонаси важларини асослаб беринг.


5-масала
Тошкент шаҳар табиатни муҳофаза қилиш қўмитаси томонидан “НОМДОР” МЧжнинг фаолияти атроф табиий муҳитга салбий таъсир кўрсатаётганлиги учун 10 кунга тўхтатилди.
“НОМДОР” МЧж Тошкент шаҳар табиатни муҳофаза қилиш қўмитасининг қарорини бекор қилиш тўғрисида хўжалик судига даъво киритди. “НОМДОР” МЧж даъво аризасида Тошкент шаҳар табиатни муҳофаза қилиш қўмитаси суднинг қарорисиз уларни фаолиятини тўхтатиши мумкин эмас, деб важ қилган.
– “НОМДОР” МЧж қайси қонун ҳужжатига асосан ўз важларини келтирган?
– Тошкент шаҳар табиатни муҳофаза қилиш қўмитасиқарорини асослаб беринг.
– Суд қандай қарор қабул қилиш керак?


6-масала
Газеталардан бирида фуқаро К.нинг деҳқон хўжалиги ҳуқуқи асосида тегишли бўлган ер участкасини сотиши тўғрисидаги эълон босилган.
– Фуқаро К. ўзига умрбод мерос қолиб қолдириш ҳуқуқи билан тегишли бўлган ер участкасини сотишга ҳақлими?


7-масала
Ҳокимиятнинг молия бўлими ходими фермер хўжалиги учун ер участкасини ижарага бериш шартномасини расмийлаштиришда ижарачидан шартномада ижара ҳақини ер солиғининг уч баравари миқдорида деб кўрсатишни талаб қилди.
– Молия ходимининг мазкур ҳаракатлари қонунийми?
– Қишлоқ хўжалигига мўлжалланган ерлар учун ижара ҳақи ставкалари қайси қонунчилик ҳужжатларида кўрсатилган?


8-масала
Автомобил-ёқилғи қўйиш шаҳобчаларидан бирида ёқилғи-нефт маҳсулотларини Сирдарё дарёсига ноқонуний ташлаш ҳолати аниқланган. Натижада 300 кг. балиқ ва сув фаунаси ва флорасининг нобуд бўлишига сабаб бўлган.
– Етказилган зарар ҳажми қайси норматив-ҳуқуқий ҳужжат асосида ҳамда ким томонидан ҳал этилиши лозим?
– Масалани суд тартибида ечинг.