Экология ҳуқуқи предмети, методи ва тизими

Ерлардан фойдаланиш ва муҳофаза
қилишнинг ҳуқуқий ҳолати

Талаба мазкур мавзуда ерлардан фойдаланиш ва муҳофаза қилишнинг ҳуқуқий ҳолати тушунчаси, ер муҳофаза қилиш ва ундан фойдаланиш объекти сифатида, Ўзбекистонда ер ислоҳотларининг асосий йўналишлари, ерга нисбатан мулк ҳуқуқи муаммолари, ердан фойдаланиш ҳуқуқи, ердан фойдаланиш ҳуқуқининг субъектлари, объектлари ва мазмуни, ер фонди тизими ва тартиби, ердан фойдаланиш соҳасидаги давлат бошқарув органлари, ердан ижара асосида фойдаланиш ҳуқуқи, ердан фойдаланувчиларнинг ҳуқуқ ва мажбуриятлари, ердан фойдаланиш ҳуқуқининг вужудга келиши, ўзгартириш ва бекор бўлиш асослари, ерларни руйхатга олиш, давлат ер кадастри, ер низоларини ҳал этиш тартиби, ерларни муҳофаза қилиш тизими, ер қонунчилигини бузганлик учун юридик жавобгарлик тизими ва турлари тўғрисида маълумотларга эга бўлади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.


1-масала
Тошкент вилоятида жойлашган Қишлоқ хўжалиги коллежи директори туман ҳокимининг 2006 йил феврал ойидаги 3/06 сонли “Бободеҳқон фермер хўжалигига ер ажратиш тўғрисида”ги қарорини бекор қилишни сўраб вилоят хўжалик судига мурожаат қилди. Унда кўрсатилишича, ҳокимнинг ушбу қарорига асосан туман ҳудудидаги қишлоқ хўжалик коллежининг доимий фойдаланишида бўлган ўқув-тажриба ер участкаси ҳисобланган 35 гектар ер майдони юқоридаги фермер хўжалигига ноқонуний ажратиб берилган.
Коллеж директори ҳоким томонидан ушбу ер майдонига нисбатан коллежнинг ер участкасидан доимий фойдаланиш ҳуқуқини бекор қилувчи қарор чиқармасдан туриб фермер хўжалигига ажратиб берилишини қонун бузилиши ҳолати, деб баҳолайди.
– Ҳокимнинг қарори қонунийми?
– Коллеж директори келтирган даъво қонуний асослантирилганми?
– Сизнингча, ушбу ҳолат бўйича томонларнинг қайси бири қонуний ҳаракат қилган?
– Фикрингизни асосланг.