Экология ҳуқуқи предмети, методи ва тизими

Сув ресурсларини муҳофаза қилиш ва улардан
фойдаланишнинг ҳуқуқий ҳолати

Фаннинг ушбу мавзусида талабага сувлар-фойдаланиш ва муҳофаза қилишни ҳуқуқий тартибга солиш объекти сифатида, давлат сув фонди таркиби, сув қонунчилиги, давлат сув фондини бошқариш, давлат сув кадастри, сув объектларини тақсимлаш масалаларини ҳуқуқий тартибга солиш, сувдан фойдаланиш ва унинг муҳофазасини таъминлашда давлат назорати, сувдан фойдаланиш тўғрисидаги низоларни ҳал қилиш, сувдан фойдаланиш ҳуқуқи ва унинг турлари, сувдан фойдаланиш ҳуқуқининг вужудга келиш ва тугатилиш асослари, сувдан фойдаланиш ҳуқуқи объекти, субъекти ва мазмуни, сув объектларини муҳофаза қилиш, сув қонунчилигини бузганлик учун юридик жавобгарлик каби маълумот етказилади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.


1-масала
Ўзбекистон Республикаси Вазирлар Маҳкамаси Сирдарё вилояти ҳудуддидан оқиб ўтган Сирдарё дарёсида ГЭС ни қуриш тўғрисида қарор қабул қилди. Қурилиш иншоотининг молиявий жиҳатдан таъминлаш маҳаллий бюджет ҳисобидан қопланишини кўрсатди.
Лекин бу қарордан Сирдарё вилояти ҳокими норози бўлиб Ўзбекистон Республикаси Вазирлар Маҳкамасига мурожаат қилди. Иншоат қирилишига сарфланадиган молиявий маблағлар республика бюжети ҳисобидан қопланишини сўради.
– Ушбу ҳолат Ўзбекистон Республикасининг амалдаги қонун ҳужжатларига мувофиқ қандай ҳал этилиши керак?
– сув ва сувдан фойдаланиш соҳасига тегишли иншоот ва қурилмалар қуриш тўғрисида Вазирлар Маҳкамаси қарор қабул қилишга ҳақлими?


2-масала
Навоий вилояти ҳудудидан оқиб ўтадиган Зарафшон дарёсининг ирмоғига Навоий азот корхонаси оқинди сувларни оқизди. Сув объекти таркибидаги ифлословчи моддаларнинг белгилаб қўйилган меъёрлардан ошиб кетишига йўл қўйди ва сувдан фойдаланувчи бундай оқинди сувларни табиатни муҳофаза қилиш ва санитария назорати органлари томонидан белгилаб қўйилган даражага етказиб тозалаб бермади.
Туман санитария назорати органи бу ҳолатга нисбатан тегишли чора кўриш учун туман прокуратурасига мурожаат қилди.
– Корхонанинг содир этган ноқонуний ҳаракатларига ҳуқуқий баҳо беринг?
– Давлат санитария назорати органининг мурожаати тўғрими, агар тўғри бўлса қандай асосларда?