Экология ҳуқуқи предмети, методи ва тизими

6-масала
Ёш ўқитувчи “Фуқаролик ҳуқуқи” кафедраси мажлисида муқаддам экология ҳуқуқи ҳуқуқ тармоғи сифатида мавжуд бўлмаганлигини ҳамда табиий ресурсларни муҳофаза қилиш ва улардан фойдаланиш бўйича муносабатлар фуқаролик ҳуқуқи билан тартибга солинганлигини таъкидлади. У бу ҳақда юридик адабиётда ўқиган экан. Боз устига ушбу ўқитувчининг сўзларидан экологик муносабатлар мулкий тусда бўлганлиги яъни, фуқаролик ҳуқуқи предмети эканлиги англашилди.
– Айтингчи, Экология ҳуқуқи мустақил ҳуқуқ тармоғи сифатида мавжуд бўлишга ҳақлими?
– Экология ҳуқуқини ҳуқуқ тармоғи ва ўқув курси сифатида шаклланиши ва мавжуд бўлиши асосида нима ётади?


7-масала
Имтиҳон вақтида талабалардан бири экология ҳуқуқида ҳуқуқий тартибга солиш методлари давлат экологик назоратини амалга оширувчи инспекторлар томонидан ўрнатилишини таъкидлади.
– Экология ҳуқуқида ҳуқуқий тартибга солиш методлари деганда нима тушунилади ва уларни қўллаш амалиётига мисол келтиринг?
– Давлат ва ҳуқуқ назариясида ҳуқуқий тартибга солишнинг асосий методларини қўллаган ҳолда мазкур масалани ечими топинг?


8-масала
Назорат ишларидан бирида экология ҳуқуқи тизими Вазирлар Маҳкамаси, Табиатни муҳофаза қилиш давлат қўмитаси, Ўзбекистон Республикаси Ер ресурслари, геодезия, картография ва давлат кадастри давлат қўмитаси, Қишлоқ ва сув хўжалиги вазирлиги, ҳокимиятлардан ташкил топган деб ёзилган.
– Экология ҳуқуқ тизими ердамида масалани ҳуқуқий ечимини топинг?
– Экология ҳуқуқи тизими қисмларини бундай бўлишини амалий жихатини, назарий жихатдан асослантириб беринг.
Экология ҳуқуқи манбалари

Талаба мазкур мавзуда экология ҳуқуқи манбалари тушунчаси, тизими, таснифи ва ўзига хос хусусиятлари, экологик муносабатларни тартибга солишнинг конституциявий асослари, Ўзбекистон Республикаси қонунлари экология ҳуқуқининг махсус манбаси сифатида, экология ҳуқуқининг манбалари сифатида фуқаролик, конституциявий, маъмурий, тадбиркорлик, жиноят ва бошқа қонунчилик ҳужжатлари, экологик қонунчиликни такомиллаштириш муаммолари, экологик қонунчиликни қўллашни такомиллаштиришда суд – ҳуқуқ ислоҳотларининг роли, Ўзбекистон Республикасида атроф табиий муҳитни муҳофаза қилиш ва табиий ресурслардан фойдаланиш соҳасида халқаро шартномалар, Ўзбекистон Республикаси Президенти фармонлари, қарорлари ва Вазирлар Маҳкамаси қарорларининг экологик муносабатларни тартибга солишдаги аҳамияти, махсус ваколатли давлат органлари ва маҳаллий давлат ҳокимияти органлари норматив-ҳуқуқий ҳужжатларининг экологик қонунчилик тизимидаги ўрни каби маълумотларга эга бўлади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.