Экология ҳуқуқи предмети, методи ва тизими

5-масала
Тошкент шаҳар ҳокими Тошкент шаҳрига тегишли атроф табиий муҳитга оқилона муносабатда бўлишликни таъминловчи солиқ ставкаларини белгилади. Аммо, унинг қарори Ўзбекистон Республикаси Президентининг қарорига зид, яъни улар ўртасида тафоввут пайдо бўлди. Тошкент шаҳар ҳокими бу ҳолатни қуйидагича изоҳлади, яъни Президент бутун республика ҳудудига нисбатан қарор чиқарган бўлса, у Тошкент шаҳрини пойтахтлигини инобатга олиб, фақат Тошкент шаҳрига тегишли қарор қабул қилган.
– Тошкент шаҳар ҳокимининг ушбу қарори Президент қарори билан фарқланиши мумкинми, агар мумкин бўлса қаси қонун ҳужжатига асосан?
– Агар Тошкент шаҳар ҳокими қонунга зид равишда қарор қабул қилган бўлса, бу ҳолда унга нисбатан қандай чора ва қайси қонун ҳужжатига асосан кўрилади?
6-масала
Талабалар мунозараларидан бирида экология ҳуқуқи манбалари сифатида экология ҳуқуқини ҳуқуқ тармоғи сифатида ривожланишига салмоқли ҳисса қўшган олимларнинг асарларини ҳам киритиш лозимлиги тўғрисидаги фикр илгари сурилди. Лектор, бу борада ўз фикрини, талабаларнинг асосий ғоясидан четлашмасдан, аммо уларникидан бошқача тарзда ифода этди.
– Айтингчи, Экология ҳуқуқи манбаси тушунчаси қайси меъёрий-ҳуқуқий ҳужжат билан тартибга солинади?
– Талаблар ва лектор таянган расмий ҳужжатга асосланиб, масалани ечимини топинг.


7-масала
Ахмедов К.нинг номзодлик диссертациясида ҳокимнинг табиат объектларидан фойдаланиш ва муҳофаза қилиш бўйича ҳар қандай қарори экология ҳуқуқининг манбаси бўлиши лозимлиги таъкидланди.
Бунга оппонент Т.Пўлатов қарши фикр билдирди.
– Айтингчи ҳоким қарорлари экология ҳуқуқи манбаси бўлиши мумкинми?
– Бу масалага қайси меъёрий ҳужжат ойдинлик кирита олади?


8-масала
Олий суд Пленуми ва Олий хўжалик суди Президуми қарорида табиий ресурслардан оқилона фойдаланиш ва атроф табиий муҳитни муҳофаза қилиш соҳасида суд фаолиятини яхшилаш зарурлиги кўрсатилган.
– Олий суд Пленуми ва Олий хўжалик суди Президуми қарори экология ҳуқуқи манбаси бўлиши мумкинми?

Мавзу 3. Табиий ресурсларга нисбатан мулк ҳуқуқи

Фаннинг ушбу мавзусида талабага табиий ресурслар – умуммиллий бойлик, табиий ресурсларга нисбатан мулк ҳуқуқи тушунчаси ва ўзига хос хусусиятлари, табиий ресурсларга нисбатан мулк ҳуқуқи объектлари ва субъектлари, табиий ресурсларга нисбатан мулк ҳуқуқининг мазмуни, табиий ресурсларга нисбатан давлат мулк ҳуқуқи, юридик ва жисмоний шахсларнинг табиий ресурсларга нисбатан мулк ҳуқуқи, табиий ресурсларга эгалик қилиш ва фойдаланиш ҳуқуқини вужудга келиш ва бекор бўлиш асослари, табиий ресурсларга эгалик қилиш ва фойдаланиш ҳуқуқини ҳимоя қилиш ва суд-ҳуқуқ ислоҳотлари шароитида унинг такомиллашуви каби маълумотлар етказилади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.