Экология ҳуқуқи предмети, методи ва тизими

Экология соҳасида давлат бошқаруви

Талаба мазкур мавзуда экология соҳасида ижтимоий бошқарув, давлат қурилиши ва бошқаруви соҳасини эркинлаштиришга оид ислоҳотлар шароитида атроф табиий муҳитни муҳофаза қилиш соҳасида давлат бошқаруви, экология соҳасида бошқарув тушунчаси, турлари, экология соҳасида давлат бошқаруви, экология соҳасида давлат бошқарувининг асосий тамойиллари ва усуллари, экология соҳасида давлат бошқаруви органларининг тизими ва уларнинг ваколатлари, экология соҳасида умумий ва махсус ваколатли давлат органлари ҳақида маълумотларга эга бўлади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.


1-масала
Фуқаро Р. Тошкент шаҳар Собир Раҳимов туманлараро фуқаролик судига Ўзбекистон Республикаси Табиатни муҳофаза қилиш Давлат қўмитасининг атроф табиий муҳит ҳолати тўғрисида маълумот тақдим этмасликда ифодаланган ҳаракатлари устидан даъво аризаси тақдим этди.
Суд аризани ҳудудийлик бўйича тақдим этилмаганлиги боис, Табиатни муҳофаза қилиш Давлат қўмитасининг Тошкент шаҳридаги тегишли бўлимига мурожаат этиш лозимлигини кўрсатиб даъвогарнинг аризасини рад этади.
– Суднинг аризани рад этиши қонунийми?
– Даъвогар қайси қонунчилик ҳужжатига асосланиб даъво қўзғатган?
– Ушбу вазиятда даъвогарга масалани ҳал этишга кўмак бериши мумкин бўлган қандай ҳуқуқий маслаҳат беришингиз мумкин?


2-масала
Тошкент шаҳар ҳокими Ўзбекистон Республикаси Вазирлар Маҳкамасининг қарорини икки йил мобайнида ижро этишни тўхтатиб туриш тўғрисида қарор қабул қилди. Ҳоким ўз қарорини ушбу ҳужжатнинг амал қилиши Тошкент шаҳри шаҳарсозлик қонунчлигига мувофиқ, амалга оширилиши мўлжалланган қурилиш ишларининг тўхталишига сабаб бўлиши билан асослади.
– Тошкент шаҳри ҳокими бу каби фақатгина шаҳар ҳудудида амал қилувчи ҳаракатларни содир этиш ваколатига эгами?
– Тошкент шаҳар ҳокими ушбу қарорини қайси қонунчилик ҳужжатига асосан қабул қилган?
– Тошкент шаҳар ҳокими қарорини бекор қилиш тартиби қандай?