Экология ҳуқуқи предмети, методи ва тизими

8-масала
Ўзбекистон Республикаси Табиатни муҳофаза қилиш давлат қўмитаси Раиси атроф табиий муҳитни муҳофаза қилишнинг долзарб масалаларини муҳокама қилиш ҳамда табиатни муҳофаза қилиш чора-тадбирларини мувофиқлаштириш мақсадида Қишлоқ ва сув хўжалиги вазири, Ер ресурслари, геодезия, картография ва давлат кадастри давлат қўмитаси раиси ва Саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекцияси раҳбарини ёзма равишда мурожаат этиб, мажлисга таклиф этади. Кўрсатилган вазирлик, қўмита ва инспекция раҳбарлари мажлисга ўзлари келмай, бошқарма бошлиқларини юбордилар.
– Ушбу раҳбарларнинг ҳаракатлари қонунийми?
– Табиатни муҳофаза қилиш давлат қўмитаси раисининг ҳуқуқ ва мажбуриятлари қайси норматив-ҳуқуқий ҳужжатларда белгиланган?


Экологик меъёрлаш, стандартлаштириш, лицензиялаш ва сертификатлаштиришнинг ҳуқуқий асослари

Фаннинг ушбу мавзусида талабага экологик меъёрлаш тушунчаси ва ўзига хос хусусиятлари, экологик меъёрлаш тизими, шакллари ва турлари, табиат объектлари сифатини меъёрлаш, экологик стандартлаштириш, экологик стандартлаштириш тизими, табиий ресурслардан фойдаланиш ва уларни муҳофаза қилиш жараёнида лицензиялашнинг аҳамияти ва тартиби, экологик сертификатлаштириш тушунчаси, аҳамияти ва тартиби, каби маълумот етказилади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.


1-масала
“DRIVE AVTO PLUS” чет эл корхонаси Ўзбекистон Республикасига чет эл автотранспорт воситаларини республика ҳудудида сотиш мақсадида олиб кираётганда давлат божхона қўмитаси ходимлари томонидан тўхтатилиб, улар олиб кираетган автотранспорт воситалари экологик класс “Евро-2” талабига жавоб бермаслиги айтиб, ушбу автотранспорт воситаларини олиб киришни тақиқлаб қўйди.
“DRIVE AVTO PLUS” чет эл корхонаси давлат божхона ходимлари устидан судга мурожаат қилди.
– Айтингчи, давлат божхона қўмитаси ходимлари хатти-ҳаракатлари қонунийми?
– Ўзбекистон Республикаси ҳудудида олиб кирилаётган автотранспорт воситаларини экологик класс “Евро-2” талабига жавоб беришини аниқлаш тартиби қандай?
– Суд қандай қарор қабул қилади?