3-масала
Ўзбекистон Республикаси Вазирлар Маҳкамасининг 2005 йил 30 июндаги 152-сон қарори билан тасдиқланган “Табиий хавф юқори бўлган зоналар давлат кадастрини юритиш тартиби тўғрисида”ги Низомга кўра табиий хавф юқори бўлган зоналар давлат кадастри (ТХЮЗДК)ни юритиш қуйидаги ваколатли органлар:
хавфли геологик жараёнлар рўй берадиган зоналар (ХГЖРЗ) бўйича – Давлат геология ва минерал ресурслар қўмитасининг “Ўзбекгидрогеология” давлат геология корхонаси томонидан;
сейсмик хавф юқори бўлган зоналар (СХЮЗ) бўйича – СХЮЗ бўйича кадастр ахборотларини тайёрлаш ва реализация қилиш (сейсмология хулосалари, уларни экспертизадан ўтказиш, даврий баҳолаш, муфассал тадқиқ этиш) учун ягона масъул бўлган Ўзбекистон Республикаси Фанлар академиясининг Сейсмология институти томонидан;
гидрометеорология ҳодисалари хавфи юқори бўлган зоналар (ГМҲХЮЗ) бўйича – “Ўзгидромет” маркази томонидан амалга оширилади.
Аммо, Ўзбекистон Республикасининг “давлат кадастрлари тўғрисида”ги қонунинг 12-моддаси талабига кўра, Давлат кадастрларини юритиш тегишли вазирликлар, давлат қўмиталари, идоралар ва маҳаллий давлат ҳокимияти органлари томонидан амалга оширилиши белгиланган, яъни битта вазирлик, давлат қўмитаси ва идораси томонидан.
Юқорида келтирилган Вазирлар Маҳкамасининг қарорида учта давлат корхонаси дастурни юритиши кўрсатилган. Вахоланки, ушбу ҳолатда Вазирлар Маҳкамасининг қарори Қонунга зид келмоқда.
– Ушбу ҳолатга ҳуқуқий баҳо беринг.
– Агар бир қонун ҳужжати бошқа қонун ҳужжатига зид келса, бу ҳолда қайси қонун ҳужжати амал қилади?
4-масала
Сурхондларё вилояти “бойсун” фермер хўжалиги раҳбари Пўлатов Н. Ўзбекистон Республикаси Конституциявий судига қуйидаги ариза билан мурожаат этган.
Унинг фикрича Ўзбекистон Республикаси Ер кодексининг 16-моддаси (Ўзбекистон Республикасида ерга бўлган мулкчилик) Ўзбекистон Республикаси Конституциясининг 55-моддасига зид равишда қабул қилинган.
Ер кодексининг 16-моддасида ер давлат мулки – умуммиллий бойликдир, ундан оқилона фойдаланиш зарур, у давлат томонидан муҳофаза этилади ҳамда олди-сотди қилинмайди, айирбошланмайди, ҳадя этилмайди, гаровга қўйилмайди, Ўзбекистон Республикасининг қонунларида белгиланган ҳоллар бундан мустасно деб кўрсатилган.
Конституциянинг 55-моддасида ер, ер ости бойликлари, сув, ўсимлик ва ҳайвонот дунёси ҳамда бошқа табиий захиралар умуммиллий бойликдир, улардан оқилона фойдаланиш зарур ва улар давлат муҳофазасидадир деб кўрсатилган.
Унинг фикрича давлат мулки ва умуммиллий бойлик иборалари ўртасида тенглик қўйиб бўлмайди, шунинг учун Ер кодекси Конституцияга зид келмоқда ва шу билан фермерларни қонуний ҳуқуқ ва манфаатлари зид бўлмоқда, вахоланки ушбу Ер кодексидаги мазкур жумлани бекор қилиш керак деган фикрга келган.
– Айтингчи Сурхондларё вилояти “бойсун” фермер хўжалиги раҳбари Пўлатов Н. ушбу фикрга келганда қайси қонун ҳужжатига таянган?
– Сурхондарё вилояти “бойсун” фермер хўжалиги раҳбари Пулатов Н.нинг фикрини қўллаб қувватлайсизми, агар қувватласангиз ўз фикрингизни асослаб беринг.
Do'stlaringiz bilan baham: |