Egamberganova Fazilatning " Mashinasozlik texnologiyasi asoslari"

Fanning maqsadi
Talabalarda mashinasozlik buyumlari (mahsulotlar)ni ishlab chiqarishda ishlab chiqarish va texnologik jaryonlarning vazifalari, 5 turlari, ishlov berish va yig‘ish aniqligiga erishish, bazalash, qo‘shimlarni aniqlash haqida nazariy bilimlarni, texnologik jarayonlarni tuzish, amallarni loyihalashda jihoz, asbob-uskunalardan foydalanish va sozlash, texnologik parametrlarini aniqlash, buyum birikmalarini yig‘ish bo‘yicha bilim, ko‘nikma va malakalarini shakllantirish hamda rivojlantirishdan iborat.
Fanning ilmiy muammolari
Hozirgi kunda texnologik jarayonlarni kompleks mexanizatsiyalashtirish va avtomatlashtirishga oid quyidagi ishlar olib borilmoqda va tadqiqotlar o‘tkazilmoqda: — detal, qism, buyumlarni tayyorlash va yig‘ish texnologik jarayonlarida sodir bo‘luvchi qonuniyatlarni yanada chuqur o‘rganib, ularni yangi progressiv va zamonaviy texnologik jarayonlar yaratishda qo‘llash; — mashina-buyumlarni yaratishda ilg‘or yuqori unumdorlikka ega bo‘lgan rentabelli texnologik jarayonlarini tuzish bo‘yicha tadqiqotlar olib borish; — yakka va mayda seriyali ishlab chiqarishlarga yangi universal va SDB dastgohlarni hamda guruhli texnologik jarayonlarni joriy qilish; — seriyali ishlab chiqarishga universal va SDB dastgohlar bilan bir qatorda ishlov beruvchi markazlar (IBM), ko‘p maqsadli dastgohlar (ÊMD), agregatli ko‘pholatli dastgohlar, moslashuvchan tizimlarni hamda guruhli, modulli va zamonaviy progressiv texnologik jarayonlarni joriy etish; — yirik seriyali va ommaviy ishlab chiqarishlarga maxsus yarimavtomat hamda avtomatik liniyalarni, robotlashtirilgan liniya va texnologik kompleks (RTÊ), moslashtiriluvchi avtomatik liniya (MAL), uchastka (MAU), sex (MAS) va moslashtiriluvchi avtomatik ishlab chiqarish (MAICh) larni joriy qilish. Darslikni yozishda rus va xorijiy tillarda nashr etilgan adabiyotlar hamda shu soha bo‘yicha internet tizimidan olingan ma’lumotlar va materiallardan foydalanildi.
1§ Mashinasozlik texnologiyasi asoslari fanining mazmuni va vazifalari.
Mavzu rejasi:
1. Fanning qisqacha mazmuni, mashinasozlik texnologiyasining xalq xo`jaligidagi ahamiyati, predmetining vazifalari.
2. Ishlab chiqarish va texnologik jarayonlar strukturasi (operasiya, o`rnatish, o`tish, yordamchi o`tish, ishchi yurish, yordamchi yurish, xolat, xarakat) to`grisidagi asosiy tushunchalar.