Э. ҚОсимов, М. Aкбaров пaрдозбоп қурилиш aшёлaри

Гипсни ташиш ва сақлаш. Гипсли боғловчиларни ташишда, сақлашда уларга нам таъсир этмаслиги керак. Очиқ жойда гипсни бир ойдан ортиқ сақлаш мумкин эмас. Aкс ҳолда, унинг мустаҳкамлиги 20% гача камаяди. Гипс сақлайдиган омбор­ларнинг поллари, албатта, ёғоч тахталардан қурилган бўлиши керак.
Гипс қотишига қўшилмаларнинг таъсири. Қотиш хусусиятига кўра, гипс боғловчилари иккига бўлинади: тез қотувчи гипс боғловчилари (қурилиш, ўта мустаҳкам, қолипбоп ва тиббий гипслари); секин қотувчи (ангидридли цемент ва юқори даражада куйдирилган гипс) гипс боғловчилари.
Гипснинг қуюқлашиш ва қотиш вақтлари хомашёнинг хоссаси, уни тайёрлаш шароити, сақланиш муддати ва шароитига, қўшилган сув миқдори (сув билан гипс нисбати — С/Г) боғ­ловчи модда ва сувнинг ҳарорати, аралаштириш шароитларига ва улар таркибида бирор қўшилмаларнинг борлигига боғлиқ. Роланднинг фикрича, гипсда унинг эрувчанлигини кучайтириш ёки секин­лаштириш имконини берадиган моддаларнинг борлиги гидротация­нинг тезлашиши ёки секинлашиши учун шароит яратади. Унинг таъкидлашича, гидротация тезлиги ҳам эриган модда табиатига, ҳам унинг эритмадаги концентрациясига боғлиқ.
Гипснинг (ярим гидратнинг) эрувчанлигини кучайтирувчи моддалар — тезлатгичлар, эрувчанлигини сусайтирувчи модда­лар — секинлатгичлар ҳисобланади. Масалан, НаCл тузи ярим молекула сувли гипс ва экстрих-гипс гидротацияси тезлатгичи бўлиб, ангидридга таъсир этмайди. CаCл₂ эса ярим молекула сувли гипсга таъсир қилмайди, лекин экстрих-гипс ва ангидрид гидротациясини секинлаштиради. МгCл₂ тузи ярим молекула сувли гипсни тезлаш­тиради, экстрих-гипс ва ангидридни секинлаштиради.
Шуни таъкидлаш керакки, қуюқлашишини секинлаштиргич ва тезлатгичлар гипс буюмларининг натижавий мустаҳкамлигига салбий таъсир кўрсатади. Бироқ айрим сирти фаол моддалардан ўртача миқдорда (0,1—0,3%) қўшиш, буюмлар мустаҳкамлигининг фақат уларни юмшатувчи омил сифатида ва сув-гипс нисбатининг камайиши ҳисобигагина эмас, балки ҳосил бўлаётган икки гидрат кристалларнинг адсорбсион модификацияси ҳисобига ҳам ортишига имкон беради. Шунингдек, сирти фаол қўшилмалар ёрдамида, гипснинг доимий сарфи ўзгармаган шароитда, бетон аралашмаси­нинг ҳаракатчанлигини ошириш мумкин.