Э. ҚОсимов, М. Aкбaров пaрдозбоп қурилиш aшёлaри

Сиенитлар — асосан калий шпатидан ташкил топган (5,0—70%) тоғ жинси бўлиб, гранитдан фарқи, асосан, таркибида кварс мине­ралининг камлиги ёки мутлақо бўлмаслигидадир. Сиенитни силлиқлаш ва пардозлаш қийин эмас ва шу сабабли пардозлаш ишларида қоплама плиталар сифатида ҳам ишлатилади. Сиқилишдаги мустаҳкамлик чегараси 100—250 МПа, зичлиги эса 2600—2700 кг/м³. Сие­нитлар сариқ, қизғиш, кўк рангларда учрайди. Ўзбекистоннинг Оҳангарон туманида сиенит захиралари кўп.
Диорит — нордон плагиоклаз (70%), роговая обманка, биотит ва авгит минералларидан ташкил топган тоғ жинси.
Диоритлар бир текис кристалли тузилишга эга. Aгар диорит таркибида кварс миқдори кўп бўлса, кварсли диорит деб аталади. У тўқ-кўк ва очиқ кулрангларда учрайди. Қоплама плиталар сифатида кўп ишлатилади. Сиқилишдаги мустаҳкамлик чегараси 150—300 МПа, зичлиги 2800-3000 кг/м³ га тенг. Диорит йўл қурилишида ва қоплама пардозбоп ашёлар сифатида кўп ишлатилади.
Габбро — тоғ жинси, асосан дала шпати (50%), авгит, оливин ва пироксен минералларидан ташкил топган. Габбро бир текис йирик донали тузилишга эга (3.3-расм).
Габбро пардозбоп безак буюмлар тайёрлашда ишлатилади. Унинг зичлиги 2900—3000 кг/м³, сиқилишдаги мустаҳкамлик чегараси 200—350 МПа га тенг.
Лабродорит — габброга ўхшаш, асосан дала шпати ва бошқа оч-қора рангли минераллардан ташкил топган жинс. Лабродоритни пардозлаганда унинг сиртида жилваланадиган кўк-бинафша рангли минераллар ажралиб туради. Шунинг учун уни кўпроқ ҳашаматли иншоотлар қуришда безакли қоплама плиталар сифатида ишлатилади.
Вулқондан тошиб чиққан бир­ламчи тоғ жинслари магма ҳолатда ер юзига кўтарилишида кристаллана бошлайди ва магма совиши жара­ёнида тўла кристалланган, бир текис кристалланмаган ва тўла кристаллан­маган тузилишга эга жинсга айланади. Тоғ жинсларининг тузилиши орқали уларни физик-механик хоссалари тўғ­рисида умумий фикр юритса бўлади. Шулар ичида доналари бир тартибда жойлашган тоғ жинслари юқори мустаҳкам бўлади. Aммо йирик донали кристаллардан ташкил топган жинслар ҳароратнинг ўзгарувчанлигидан ёки механик кучлар таъсирида тез бузилади. Худди шундай ҳолатни таркибида ҳар хил минераллар бўлган жинсларда кўриш мумкин. Қурилишда кўп ишлатиладиган магматик тоғ жинсларининг айримлари билан танишамиз.
Ер қатлами юзасида жойлашган тоғ жинслари ҳар вақт атмосфера таъсирида (ҳароратнинг ўзгариши ва бошқа омиллар) аста-секин емирила бошлайди, натижада улар сочилувчан ёки чанг ҳолатига ўтади.