Э. ҚОсимов, М. Aкбaров пaрдозбоп қурилиш aшёлaри

Сариқ пигментлар. Қурилишда сариқ пигментлардан охра, қўр­ғошин ва рух крони кўпроқ ишлатилади.
Охра, асосан таркибидаги гил миқдори билан фарқ қилади. Охра 250°C ҳароратгача қиздирилса, унинг ранги ўзгариб, сарғиш-қизил тус олади. Ҳарорат 600—700°C га етказилса, унинг ранги қизаради, бундай охра куйдирилган охра деб аталади. Юзаларни беркитувчанлиги бўйича у ўртача пигментлар турига киради.
Қўрғошин крони — қўрғошиндан олинадиган хроматлар ва сулфохроматлардан ташкил топган пигмент. У оч сарғишдан тўқ-сариқ ранггача бўлади. Қўрғошин крони юқори беркитув­чанлиги ва занглашга чидамлилиги билан бошқа пигментлардан фарқ қилади. Aммо, у заҳарли.
Рух крони — нордон хромли рухнинг оз миқдордаги хромли ангидрид билан аралашишидан ташкил топган пигмент. Унинг таннархини бироз камайтириш мақсадида унга оғир шпат (БаСО₄) қўшилади. Рух крони қўрғошин кронига нисбатан ёруғликка чидамли, аммо беркитувчанлиги паст бўлган пигмент.
Бўёқ таркибларга рух крони қўшилса, уларнинг занглашга чидамлилиги ортади. Бундай бўёқ пўлат конструкцияларни занглашдан яхши сақлайди.
Рухли кроннинг беркитувчанлиги ўртача бўлиб, у яхши бўяш хоссасига эга, водород сулфид ва ишқорлар таъсирида ўз рангини ўзгартирмайди.
Aсосан, темир юзаларни бўяш учун мойли ва эмалли бўёқ аралашмалар тайёрлашда ишлатилади, беркитувчанлиги —170 г/м² га тенг.
Жигарранг умбра — таркибида темир (ИИИ) оксид ва марганес оксид бўладиган табиий пигмент. Жигарранг умбра бошқа ном билан, яъни пиширилган умбра номи билан ҳам юритилади, чунки у натурал умбрани қаттиқ қиздириш йўли билан олинади. Натурал умбра яшил ранг бериб товланадиган тўқ-сариқ тупроқли пиг­ментдир. Умбранинг таркиби ва ранги худди охра, сурик ва бошқа табиий пигментларники каби турғун эмас.
Умбра жуда пишиқ пигмент бўлиб, уни ташқи ва ички бўёқ ишларида темир, ёғоч-тахта ва сувоқ юзаларини бўяш учун сувли ва сувсиз бўёқ аралашмаларда барча боғловчиларга қўшиб ишлатиш мумкин. Умбра таркибида марганес бўлгани учун у мойларнинг қотишини тезлаштиради.
Жигарранг умбранинг беркитувчанлиги 40 г/м² га тенг.