Э. ҚОсимов, М. Aкбaров пaрдозбоп қурилиш aшёлaри

Қўрғошин белиласи — оқ рангли қўрғошин тузидир (2ПбCО₃  Пб(ОҲ)₂).
Унинг беркитувчанлиги юқори, шунингдек у атмосфера ва ёруғлик таъсирига чидамли. Қўрғошинли белила бўёқ таркиблар темир конструкцияларни занглашдан сақлашда ҳамда бинонинг ташқи қисмидаги буюмларни бўяшда ишлатилади. Унинг бирдан-бир камчилиги заҳарлилигидадир. Шу сабабли қурилишда кўп ишлатилмайди.
Титан белиласи — икки оксидли титан (ТиО₂) ёки бошқача айтганда, титан оксиди билан рух оксиди аралашмасидан ташкил топган оқ рангли кукун. Унинг беркитувчанлиги юқори, шу­нингдек, атмосфера ва ёруғлик таъсирига чидамли. Қўрғошинли белила бўёқ таркиблар темир конструкцияларни занглашдан сақлашда ҳамда бинонинг ташқи қисмидаги буюмларни бўяшда ишлатилади. Унинг бирдан-бир камчилиги заҳарлилигидадир. Шу сабабли қурилишда кўп ишлатилмайди.
Титан белиласи бетоннинг ички ва ташқи қисмини бўяшда, шунингдек, кислота, ишқор ёки юқори ҳарорат таъсирида бўла­диган конструкцияларни коррозиядан сақлашда кўп ишлатилади.
Олтингугурт белиласи — литопия номи билан юритилади. У рух сулфид (ЗнС) билан барий сулфат (БаСО₄) аралашмасидан ташкил топган. Унинг беркитувчанлиги анчагина юқори (125 г/см²), кислота ва ишқор таъсирига чидамли, лекин ёруғликка чидамсиз, қуёш нурида ранги хиралашади ва сарғаяди. Кўпроқ қоронғи жойда турса, яна ўзининг аввалги оқ рангига келади. Шунинг учун, литопия белила бинонинг ички қисми учунгина ишлатилади.
Кўк пигментлар. Бўёқ таркиблар тайёрлашда кўк пигментлар орасида энг кўп ишлатиладигани ултрамарин ва лазурдир.
Ултрамарин — обдан майда қилиб туйилган кўк рангли кукун бўлиб, сув ва органик эритмаларда эримайди, таркибида олтин­гугурт бўлган каолин, кўмир ва трепелдир. У кислоталар таъсирига унча чидамайди, аммо ёруғлик ва ишқор таъсирида бузилмайди. Бўёқчилик саноатида унинг ранги ўзгариб боради ва у 5 хил турда чиқарилади: УХК, УС, УМ-1, УМ-2, УМ-3.
Лазур — ранглаш кучи жуда юқори бўлган, ёруғликка чидамли, кўк рангли сунъий пигмент. У бўлак-бўлак ёки кукун тўлдиргичлар билан аралаштирилиб чиқарилади.
Соф лазур ёруғликка жуда чидамли, аммо уни рух ва титан белилалари билан аралаштирилса, ранги сезиларли равишда айнийди. Лазур жуда унумли бўлгани учун, унинг бир чимдими ҳам оқ пигментларни бўяй олади — Фе₄[Фе(Ч)₆]₃.