Э. ҚОсимов, М. Aкбaров пaрдозбоп қурилиш aшёлaри

Полистирол плиткалар — томонлари 100100 ва 150150 мм келадиган квадратлар шаклида, махсус зичлагич автоматлардан чиқарилади. Полистирол плиткалар иссиқликка унча чидамли эмас, шу сабабли очиқ ўчоқлар бўлган хоналарга, болалар муасса­саларига полистирол плиткалар ишлатилмайди.
Фенолит плиткалар — фенолформалдегид смолаларига тегишлича полихлорвинил смоласи қўшиб тайёрланади. Тўлдиргич сифатида маъдан ва органик кукунлар аралашмаси ишлатилади. У турли хил пигментлар қўшиш билан рангдор қилинади.
Бундай плиткаларни тайёрлашнинг асосий усули иссиқ ҳолда зичлашдир. Бунда ўлчамлари 150150 мм ва қалинлиги 4-6 мм бўлган плиткалар олинади. Плиткалар яхши ёпишиб туриши учун, уларнинг орқа томони тарам-тарам қилиб ишланади. Плиткаларнинг ҳажмий оғирлиги 1300—1400 кг/см³.
Фенолитдан тайёрланган плиткалар буғ ўтказмайди ва кўпчилик органик, кислоталар таъсирига чидамли. Плиткалар фенолфор­малдегид смола ёки битумли мастика ёрдамида ёпиш­тирилади. Бу плиткалар ишлаб чиқариш цехлари ва тажрибахоналарида, баъзан эса тураржой бинолари ва жамоат маиший биноларнинг полини қоплаш учун ишлатилади, улар билан деворларни қоплаш ҳам мумкин.
Изотроп шишапластиклар қирқилган шиша толадан ясалади, эгилишга ва чўзилишга бўлган мустаҳкамлиги ўзаро яқин —200—210 МПа га боради.
Шишапластикнинг янги тури, тўлдиргич сифатида тангасимон шиша доналари ишлатиладиган анизотроп шишапластикдир. У физик-механик хоссаси бўйича мавжуд барча шиша пластиклардан афзал туради, чунки тўлдиргич — тангасимон шишалар ашёнинг ҳар томонлама мустаҳкам бўлишини таъминлайди. Тангасимон шиша энг юпқа шиша пардасини (шиша зар) майдалаш натижасида ҳосил қилинади. Шиша парда эритмадан чўзиб ҳосил қилинган жуда юпқа лентадан иборат.
Текстолит — фенолформалдегид смола билан шимдирилган газла­мани қатлам-қатлам қилиб 140—160°C да ва 8—10 МПа босимда зичлаб олинган юқори мустаҳкам пластик ашёдир. У машина­созликда, самолётсозликда, радиотехникада ҳамда конструктив ашё сифатида ишлатилади. Текстолитдан шестерналар, подшипниклар, втулкалар тайёрланади. Чунки бу жуда кам ишқаланадиган, зарб билан урганда товуш чиқармайдиган ажойиб ашёдир.