Э. ҚОсимов, М. Aкбaров пaрдозбоп қурилиш aшёлaри

Пардозбоп пластмасса пардалар. Пардали ашёлар асосли ёки асоссиз қилиб чиқарилади. Aсосли пардали ашёлар рангли поливи­нилхлорид пардани қоғоз ёки газламалар устига елимлаб олинади. Уларнинг юза томони худди линкруст каби силлиқ ёки бўрттириб ишланиши мумкин.
Қоғоз ёки газламалар асосида олинадиган пардали ашё­ларнинг эни 500, 600, 700 ва 1000 мм, қалинлиги 0,1—0,8 мм, узунлиги 40 метр бўлади.
Aсоссиз пардали ашёлар турли рангга бўялган юпқа поли­винилхлорид пардасидан иборат бўлади. Улар эни 500, 600, 750 мм, қалинлиги 0,1 ва 0,2 мм, узунлиги 12 метр қилиб ишлаб чиқарилади.
Қопламабоп қатламли — қоғоз пластик-қоғоз варақларига синтетик смола сингдириб, силлиқ темир қистирмаларда 130—140°C да ҳарорат 7 МПа гача босим остида ёғоч юзасига зичлаб ёпиштирилади. Пластикнинг устки қисми силлиқ ва жило берилгандек ялтираб туради, ҳар хил рангда ва қимматбаҳо ёғочлар рангига, ҳамда тасвирга ўхшатилган бўлади. Пластиклар мебеллар, панеллар, деворлар, эшик тавақаларига қопланади. Фанерсозлик саноати елимлаб ясалган ва сиртига пластик қоғоз қопланган панеллар ва плиталар ишлаб чиқаради. Пластикка сув, иссиқлик, ишқор ва кислоталар таъсир этмайди, бўёқ моддалар сингмайди, совунли илиқ сув билан яхши ювилади.
Линкруст — қалин қоғоз асосга ёки картоннинг бир томонига юпқа қилиб полихлорвинил смолани суртиш йўли билан олинади.
Линкрустнинг юза томони силлиқ ёки бўрттириб ишланиши мумкин. Унинг эни 500, 600 ва 750 мм, қалинлиги 0,6 ва 1,2 мм, узунлиги 8—12 метр бўлиши мумкин. Линкруст сув ва нам таъсирига чидамли, чиримайди, техник кучларга бардош бера оладиган ашё. У тураржой, жамоат ва саноат биноларининг девор ва тўсиқларини пардозлашда қўлланилади. Линкруст деворларга крахмалдан тайёрланган елим ёки махсус синтетик полимерлар асосида олинган елимлар билан ёпиштирилади.
Ювиладиган пардалар. Булар оддий гулқоғозлар бўлиб, сиртига ПВA эмулсия қопланган бўлади. Уларни илиқ сув билан ювиш мумкин. Сув таъсирига бардош бера оладиган гулқоғозлар фойдаланиш учун жуда қулай ва чидамли бўлади. Ювиладиган гулқоғозлар тураржой биноларининг деворларига ёпиштиришда энг яхши пардозбоп ашёлардир.