E. H. Eshboyev, Y. M. Fayziyev teri va tanosil kasalliklari

Laboratoriya diagnostikasi. Tekshirish uchun material maxsus laboratoriya xonasida olinadi. Xona, ishlatilgan laboratoriya asbob va anjomlari tez-tez 3 % li xloramin bilan artib turiladi. Qo'tir kanasini mikroskopik tekshirmoqchi bo'lgan laboratoriya xodimi bemorning qaysi joylarida kana ko'proq bo'lishini bilishi lozim. Chunonchi, terining shox qatlami nozik, yupqa bo'ladigan burmali joylarda: qo'l panjasida — barmoqlar orasidagi burmalarda, tirsak bo'g'imida, qo'ltiqning oldingi devorida, jinsiy olatda, ayollar ko'krak bezi so'rg'ichi terisida ko'plab uchraydi.7

Yuqorida ta'kidlanganidek, (fez-tez yuvinadiganlarda kasallik belgilari, ya'ni toshmalar kam uchraydi. Shu sababdan bemor yechintirilib, sinchiklab ko'zdan kechiriladi. Toshma ko'p joylari

73

yorug' xonada lupa yordamida ko'riladi. Qo'tir tashxisi kasallik qo'zg'atuvchisi topilgandan so'ng qo'yiladi.^

( Qo'tir yo'lining bir uchi ochiq (kislorod olish va kanachalarning kirishi uchun), ikkinchi uchi ko'r (yopiq) bo'ladi. Qo'tir yo'lining ko'r qismida o'zida tiniq yoki xiraroq suyuqlik tutgan pufakcha topiladi. Xuddi shu element material bo'lib xizmat qilib, uni tek-shirishda doimo urg'ochi kana topiladi. Qo'tir qo'zg'atuvchisini odatda bir necha usul bilan aniqlaniladi.

Birinchi usul. Qo'tir yo'lining pufakchali uchiga lupa orqali qarab turib, Jenner yoki nayzasimon igna yordamida pufakcha teshilib, material olinadi. Pufakchani iloji boricha asosi bilan olishga harakat qilish kerak. Ba'zan kana igna uchida oq nuqta bo'lib ko'rinadi. Mikroskopda tekshirish uchun materialni yarim tomchi fiziologik eritma tomizilgan buyum oynasiga qo'yiladi va yopqich oyna bilan yopiladi. Uni 40X li obyektivda tekshiriladi. Aksariyat hollarda kana hali o'lmagan bo'ladi.