Е. Б. Бабский, А. А. Зубков, Г. И. Косицкий, Б. И. Ходоров

Йиғувчи найлар функцияси. Буйрак каналчаларидан йиғувчи найларга бир талай суюқ сийдик келиб, бу ерда концентрланади ва шундай қилиб, буйрак жомларига бир кеча-кундузда фақат 1—1,5 л сийдик ўтади. Йиғувчи найларга келадиган гипотоник сийдик асосан сув сўрилиши туфайли концентрланади.
Йиғувчи найларнинг деворлари сувни ўтказиши мумкин; буйракнинг мағиз қаватидаги тўқима суюқлиғинипг осмотик босими юқори, йиғувчи найлар шу қаватдан ўтади, шунга кўра сув йиғувчи найлар бўшлиғидан интерстициал суюқлиққа ўтади; сув реабсорбцияси эса шунга боғлиқ.
Каналчаларнинг секретор функцияси
Коптокчалар девори орқали ўтолмайдиган баъзи коллоид бўёқлар қонга юборилганда улар қайтадан сийдик билан чиқиб кетади. Бундай бўёқларнинг капсулани тўлдириб турган суюқлиқда бўлмаслиги, лекин каналчаларда ва каналчалар эпителийсининг протоплазмасида мавжуд эканлиги гистологик текширишларда аниқланди. Шунга асосла-ниб, каналчалар эпителийси реабсорбция қилиш билангина қолмай_, балки секретор функцияни ҳам ўтайди, деб хулоса чиқарилган.
Каналчалар секрецияси улардаги эпителийнинг актив фаолияти натижасидир, бу эса модда алмашинувининг тез бориши билан боғлиқ. Тўқималарнинг нафас олиши цианидлар билан сусайтирилганда секрециянинг камайиши ҳозир айтилган фикрни исбот этади. Макроэргик бирикмалар (аденозинтрифосфат кислота ва б.) ҳосил бўлишига тўсқинлик қиладиган модда — динитрофенолни организмга юбориш секрецияни тўхтатади.
Юксак даражадаги ҳайвонлар ва одамда каналчалар секрецияси сийдик ҳосил бўлишида унчалик аҳамиятли бўлмаса керак. Бироқ судралиб юрувчилар ва қушлардан баъзиларида каналчалар секрецияси сийдик ҳосил бўлишининг асосий механизмидир, чунки бу ҳайвонларнинг буйрагида коптокчаларнинг сони кам, кўпчилик каналчаларнннг охири берк бўладн.
Каналчалар секретор функцияни ўтагани учун коптокчаларда фильтрланмайдиган моддалар организмдан чиқариб юборилади.
Л. А. Орбели лабораториясида олинган маълумотларга қараганда, қонда мочевина кўпайиб кетганда уни организмдан чиқариб ташлашда ҳам секретор механизм қатнашуви мумкин. Каналчалар секрецияси сийдик ҳосил бўлишинииг резерв механизми бўлиб хизмат қила олади, у организмнинг парчаланиш маҳсулотларидан халос бўлишига ёрдам беради.